“Angren ko‘mir koni” filialida o‘z kasbining ustalari bo‘lgan konchilar ko‘pchilikni tashkil etadi. Birinchi  bo‘lim kon ekskavatori mashinisti Abdumo‘min Abdurahmonov va ikkinchi bo‘lim kon ekskavator mashinisti yordamchisi Mehroj Abduvoitov ana shunday tajribali konchilardan hisoblanadi.

O‘zbekiston konchilik va metallurgiya sanoati xodimlari kuni hamda “O‘zbekko‘mir” aksiyadorlik jamiyati tashkil etilganligining 76 yilligi munosabati Abdumo‘min Abdurahmonov  va Mehroj Abduvoitov O‘zbekiston energetika, neft-gaz va geologiya xodimlari kasaba uyushmalari respublika kengashining faxriy yorliqlari bilan taqdirlangan edilar.

Bugun jamiyat Birlashgan kasaba uyushmasi qo‘mitasida ana shu mukofotlarni topshirish marosimi bo‘lib o‘tdi.

Birlashgan kasaba uyushma qo‘mitasi raisi Abdunosir Qayumov dongdor  konchilarimizga faxriy yorliqlarni topshirar ekan, ularning ishlab chiqarishdagi samarali mehnatlarini alohida e’tirof etib, kelgusi faoliyatlarida yanada ulkan zafarlar tiladi.