"Oʻzbekkoʻmir" AJ Ishchi guruhining "Aksilkorrputsiya oyligi" doirasidagi navbatdagi targʻibot tadbiri Qoraqalpogʻiston Respublikasining Taxiatosh tumanida tashkil etildi.

Taxiatosh tuman hokimligida oʻtkazilgan yigʻilishni "Oʻzbekkoʻmir" AJ Ishchi guruhi raisi, Korrupsiyaga qarshi kurashish xizmati rahbari E.Amanov olib bordi. Unda tuman hokimi oʻrinbosari Gʻ.Bektemirov, "Koʻmir taʼminot" MCHJ Qoraqalpogʻiston Respublikasi filiali va hududiy koʻmir omborlari masʼul xodimlari hamda tumandagi tabiiy gaz yetib bormagan yoki tabiiy gaz tarmogʻidan uzilgan ovul fuqarolar yigʻinlari raislari ishtirok etdi.

Aholi isteʼmolchilarini arzonlashtirilgan mahalliy koʻmir bilan taʼminlashni namunali tashkil etish, mahsulot talon-tarojining oldini olishga qaratilgan tadbirda korrupsiya xavfli illat ekanligi, ushbu illatga qarshi mamlakatimizda keskin kurash boshlangani alohida taʼkidlandi.

Jarayonda 9 dekabr - Xalqaro korrupsiya kuni munosabati bilan respublikamiz boʻylab oʻtkazilayotgan "Aksilkorrupsiya oyligi" tadbirlarining mazmun-mohiyati haqida tushuntirish berildi. Ayni paytda "Koʻmir taʼminot" MCHJ Qoraqalpogʻiston filiali va  koʻmir omborlari masʼul xodimlarining aholini arzonlashtirishgan koʻmir bilan taʼminlash borasidagi masʼuliyati eslatilib, korrupsiyaviy holatlardan saqlanishi xususida ogohlantirildi va ulardan bu haqida kafolat xatlari olindi.