Joriy yil 12 avgust kuni Toshkent viloyatining Angren shahrida joylashgan “Angren koʻmir koni”da bir guruh mahalliy aholi koʻmir havzasidan ot va eshaklar yordamida oʻgʻrilik yoʻli bilan dizel yoqilgʻisini olib chiqib ketayoganda fosh etildi.

Aniqlanishicha, oʻgʻrilikni sodir etgan shaxslar obʼekt hududiga noqonuniy kirib, oldindan kelishilgan maxsus-texnika haydovchilaridan 400 litr miqdorda dizel yoqilgʻisini idishlarga toʻldirib olib chiqayotgan boʻlgan. Bundan tashqari, ularning yonida yana shuncha miqdorda yoqilgʻi sigʻadigan boʻsh idishlar aniqlangan.

Oʻz ishiga sovuqqonlik bilan yondashib, kon hududiga begona shaxslarning  kirishiga  yoʻl qoʻygan qoʻriqlash boʻlimi boshligʻi T.Tulegenov egallab turgan lavozimidan ozod etildi.

Maʼlum-ki, ishlab chiqarish uzviy jarayon boʻlib, birgina yuqoridagi holat misolida oladigan boʻlsak, 0,5 tonna yoqilgʻi yordamida Belaz rusumli yuk avtomobili 1 smena davomida oʻrtacha 1000 tonna togʻ jinslarini tashishi mumkin edi. Hulosa oʻrnida, har bir xodim ish jarayonida boʻlayotgan talon-tarojliklarga toqatsizlik ruxida, shaxsiy manfaatlarni yuqori qoʻyayotgan kimsalar haqidagi maʼlumotlarni aksiyadorlik jamiyatining komplayens nazorati xizmatining tegishli aloqa botlariga yuborishlari orqali shu kabi holatlarning oldi olinadi. Murojaatchilarning shaxsi sir saqlanishi kafolatlangan.