Koʻmir omborlari masʼul xodimlari ogohlantirilmoqda
Nashr qilingan sana: 22.11.2023 02:52:04"Oʻzbekkoʻmir" AJ Ishchi guruhining navbatdagi kengaytirilgan yigʻilishi "Koʻmir taʼminot" MCHJ Qashqadaryo viloyati filialida oʻtkazildi.
9 dekabr – Xalqaro korrupsiyaga qarshi kurashish kuniga bagʻishlangan Aksilkorrupsiya oyligi tadbirlari doirasida filial va uning tasarrufidagi hududiy koʻmir omborlari masʼul xodimlari ishtirokida tashkil etilgan yigʻilishni "Oʻzbekkoʻmir" AJ Korrupsiyaga qarshi kurashish xizmati rahbari E.E.Amanov boshqarib bordi.
Soʻnggi haftalarda "Oʻzbekkoʻmir" AJga qarashli "Koʻmir taʼminot" MCHJ masʼul xodimlari tomonidan aholi va ijtimoiy soha obyektlari uchun berilishi lozim boʻlgan koʻmir mahsulotlarini talon-taroj qilish holatlarini huquq-tartibot organlari tadbirlari natijasida oshkor etildi va ularga nisbatan amaldagi qonun talablari asosida javobgarlikka tortildi. Yigʻilishda shu masala atroflicha muhokama etildi. Xususan, prokuratura organlari tomonidan "Koʻmir taʼminot" MCHJning Andijon, Namangan va Fargʻona va boshqa viloyatlaridagi filiallarining masʼul xodimlari tomonidan koʻmir mahsulotlarini shaxsiy manfaatlari yoʻlida talon-toroj qilganligi kechirib boʻlmas holat ekanligi qayd etildi.
Aholining koʻmir mahsulotlarini oʻz vaqtida arzon narxlarda xarid qila olmasligi va narxlarning sunʼiy oshirib yuborilishi asosli eʼtirozlarga sabab boʻlayotganligi, filial va ombor masʼul xodimlari tomonidan korrupsiya holatlarini keltirib chiqaruvchi omillar yetarli oʻrganmaganligi, koʻrgazmali targʻibot vositalari ham javob bermasligi, korrupsiyaga qarshi kurashish boʻyicha tadbirlar yetarli olib borilmayotganligi yigʻilishda qattiq tanqid qilindi.
Filiallar rahbarlari va omborlar masʼul xodimlari koʻmir ombori masʼul xodimlari bilan tuzilgan mehnat shartnomasiga korrupsiyaga qarshi kurashga oid "Qoʻshimcha kelishuv" bandlari kiritilgan. Yigʻilishda ana shu bandlar mazmun-mohiyati atroflicha tushuntirildi, aholiga moʻljallangan koʻmirni talon-taroj qilish, sunʼiy oshirilgan narxda sotish qonuniy javobgarlikka sabab boʻlishi haqida hududiy filial rahbari va omborlar mudirlari jiddiy ogohlantirildi, ulardan korrupsion holatlarga yoʻl qoʻymaslik haqida kafolat xatlari olindi.
Korrupsiyaga qarshi kurashish tadbirlari davom ettirilmoqda.
Oxirgi yangiliklar:
Konferensiya: Jamoa shartnomasi ijrosi muhokama qilindi
2026-yilning 17-aprel kuni Unda jamiyat tizimidagi korxonalardan saylangan delegatlar, jamiyat rahbariyati, tarkibiy bo‘linmalar rahbarlari, mutaxassislar hamda...
O'qish
Brifing: iste’molchilarga 1 million 782,6 ming tonna mahalliy ko‘mir yetkazib berildi
“O‘zbekko‘mir” aksiyadorlik jamiyatida 2026-yilning yanvar–mart oylarida iste’molchilarga 1 million 782,6 ming tonna mahalliy ko‘mir yetkazib berildi. Bu boradagi reja 1...
O'qish
OAV vakillari diqqatiga: “O‘zbekko‘mir” AJda I chorak yakunlariga bag‘ishlangan brifing
“O‘zbekko‘mir” aksiyadorlik jamiyatida 2026 yil “yanvar–mart oylari yakunlari hamda jamiyatda amalga oshirilayotgan transformatsiya jarayonlari” mavzusida brifing o‘tkazi...
O'qish
“O‘zbekko‘mir” AJ transformatsiya: xarid jarayonlari raqamlashtiriladi, ESG tamoyillari joriy qilinadi
“O‘zbekko‘mir” aksiyadorlik jamiyatida xarid jarayonlarini yanada ochiq, tushunarli va samarali qilish maqsadida KPMG xalqaro konsalting kompaniyasi tomonidan keng qamrov...
O'qish