Birlashgan kasaba uyushma qo‘mitasi raisining tabrigi
Nashr qilingan sana: 30.09.2024 03:07:50
Qadrli ustoz va murabbiylar!
Avvalo Sizni va siz orqali orqali ko‘mir sanoati sohasida samarali mehnat qilgan va qilayotgan mehnat faxriylarini, umrini shu soha taraqqiyoti va Vatan ravnaqi yo‘lida sarflab, ayni paytda soha uchun zarur mutaxassislar yetishtirishga munosib hissa qo‘shib kelayotgan barcha ustozlarni O‘qituvchi va murabbiylar kuni bayrami bilan chin qalbimdan tabriklayman.
Shubhasiz, har qanday jamiyat taraqqiyotini ustoz va murabbiylarning fidoyilarcha mehnatisiz tasavvur etib bo‘lmaydi. Binobarin bugungi kunda minglab kishilar qo‘lni-qo‘lga berib, yelkama-yelka mehnat qilayotgan katta jamoamiz tomonidan ko‘mir qazib olish va iste’molchilarga yetkazib berishdek mashaqqatli vazifaning muvaffaqiyatli bajarilishida ustoz va murabbiylarimizning g‘oyatda ulkan hissasi bor. Aksiyadorlik jamiyatimizda “Ustoz ‒ shogird” an’anasi keng yo‘lga qo‘yilgani va yoshlarda kasbiy mahoratni tarbiyalash va ularning ma’naviy-ma’rifiy salohiyatini oshirishga jiddiy e’tibor qaratib kelinayotgani bejiz emas.
Bugun tizimimizda ekskavator mashinistidan tortib, chilangargacha, konchi-quruvchisidan tortib, haydovchigacha o‘z kasbining puxta egallagan xodimlar safi kengayib, yangilanib borayotgan ekan, bu shubhasiz ustoz va murabbiylar mehnati tufaylidir.
Jamiyatimizda yosh kadrlarni tayyorlash va to‘g‘ri yo‘naltirish maqsadida “Ustoz ‒ shogird” an’anasi asosida har bir yosh mutaxassisga o‘z kasbining fidoyilari sifatida faoliyat yuritib kelayotgan malakali xodimlar biriktirilgan bo‘lib, ular yoshlarga kasb sirlarini o‘rgatib kelmoqdalar. Shuningdek, zaxira kadrlarni tayyorlash maqsadida muntazam ravishda o‘tkazilayotgan o‘quv mashg‘ulotlarida ham malakali mutaxassis-xodimlar faol qatnashmoqdalar.
Dono xalqimiz “Ta’lim ko‘rgan ustozingga rahmat!”, “Ustoz ‒ otangday ulug‘!” deya bejiz aytmaydi. Ustoz konchilarimiz ana shunday alqovga munosibdirlar.
Fursatdan foydalanib, ko‘mir sanoati sohasida mehnat qilib, bilim va tajribalarini yoshlarga o‘rgatib kelayotgan ustoz konchilarni yana bir bor bayram bilan samimiy tabriklayman.
Umringiz uzoq, tani-joningiz sog‘ bo‘lsin, aziz ustozlar!
Abdunosir Qayumov,
“O‘zbekko‘mir” AJ Birlashgan kasaba uyushma qo‘mitasi raisi
Izohlar
Oxirgi yangiliklar:
Rasmiy: mahalliy ko‘mirning sifat ko‘rsatkichlari yuzasidan tushuntirish berildi
Ijtimoiy tarmoqlarda aholi ehtiyojlari uchun yetkazib berilayotgan mahalliy ko‘mirning sifat ko‘rsatkichlari yuzasidan turli noto‘g‘ri talqinlar tarqalmoqda. Xususan, ko‘...
O'qish
Ko‘mir sifat ko‘rsatkichlari bo‘yicha haqiqat va manzilsiz tanqidlarga rasmiy munosabat
“XXI asr” gazetasining shu yil 20-noyabrdagi sonida chop etilgan “Gap ko‘p-u, ko‘mir ozmi?!” sarlavhali maqolada aholini ko‘mir bilan ta’minlash masalalari bayon etilgan...
O'qish
Ko‘mir qazib olishda innovasion yondashuvlar muhokama qilindi
“O‘zbekko‘mir” AJ va MTTU MISiS Olmaliq filiali o‘rtasidagi hamkorlik memorandumi doirasida jamiyat mutaxassislari, professor-o‘qituvchilar va talabalar ishtirokida uchra...
O'qish
Aksilkorrupsiya oyligi doirasida tadbirlar amalga oshirilmoqda
“O‘zbekko‘mir” aksiyadorlik jamiyatida mamlakatimizda o‘tkazilayotgan “Korrupsiyaga qarshi kurashish oyligi” doirasida tizimli ishlar va ma’naviy-ma’rifiy tadbirlar...
O'qish