“Oʻzbekkoʻmir” AJ ishchi-xodimlarining ish haqi miqdorini oshirish toʻgʻrisida” “Oʻzbekkoʻmir” AJ bosh direktorining 457-sonli buyrugʻi qabul qilindi.

Buyruqqa koʻra, Oʻzbekiston Respublikasi Prezidentining “Ish haqi, pensiyalar va nafaqalar miqdorini oshirish toʻgʻrisida” 2023 yil 17 noyabrdagi PF-196-sonli farmoni ijrosini taʼminlash maqsadida 2023 yil 1 dekabrdan boshlab “Oʻzbekkoʻmir” AJ ishchi-xodimlarining ish haqi miqdori 7 foizga oshirildi.

Buyruq bilan “Oʻzbekkoʻmir” AJning ish haqi toʻlash boʻyicha tarmoq tarif setkasi ilovalarga asosan tasdiqlandi.

“Oʻzbekkoʻmir” AJning 2023 yil 20 apreldagi “Oʻzbekkoʻmir” AJ ishchi-xodimlarining ish haqi miqdorini oshirish toʻgʻrisida” 15-sonli buyrugʻi bilan tasdiqlangan 1-ilovadagi tarif setkasi, “Oʻzbekkoʻmir” AJning 2023 yil 22 iyundagi 243-sonli “Oʻzbekkoʻmir” AJ ishchilari mehnatga haq toʻlash tarmoq tarif setkasi toʻgʻrisida”gi buyruqning 1-bandi 2023 yilning 1 dekabrdan oʻz kuchini yoʻqotgan deb hisoblanadi. 

Buyruqda “Oʻzbekkoʻmir” AJ ijro apparati va barcha filial boshliqlariga shtat jadvallari oʻrnatilgan tartibda yangi lavozim okladlari va tarif stavkalari boʻyicha qayta tuzilib, 3 kunlik muddatda tasdiqlashga taqdim etish topshirildi.

Buyruqning bajarilishini nazorat qilish bosh direktorning oʻrinbosari E. Yakubov zimmasiga yuklatildi. 

Sherzod Begmatov,

“Oʻzbekkoʻmir” AJ ijro apparati mehnat va ish haqi boʻlimi boshligʻi

https://t.me/uzbekcoaluz