“O‘zbekko‘mir” aksiyadorlik jamiyatida korrupsiyaga qarshi kurashish bo‘yicha targ‘ibot ishlari davom ettirilmoqda.

Bugun "Temir yo‘l transporti" filialida "Jamiyatda korrupsiyaga nisbatan murosasiz munosabatlarni shakllantirishda faol bo‘laylik" mavzusida davra suhbati tashkil etildi.

Jamiyat korrupsiyaga qarshi kurashish xizmati rahbari E.Amanov boshqarib borgan tadbirda 

 mehnat shartnomasiga kiritilgan qo‘shimcha kelishuvning mazmun-mohiyati, manfaatlar to‘qnashuvi haqida tushunchalar berilib,  pora olish, pora berish va pora olish va berishda vositachilik qilishning ayanchli huquqiy oqibatlari to‘g‘risida ogohlantirildi.

Korrupsiyaga oid huquqbuzarlik holatlariga duch kelingan taqdirda bu haqida jamiyat rahbariyatiga yoki huquqni muhofaza qilish organlariga bu haqida xabar berish, bunda xabar beruvchining shaxsi sir tutilishi haqida alohida to‘xtalib o‘tildi.

Ishtirokchilar mavzu yuzasidan o‘zlarini qiziqtirgan savollarga atroflicha javoblar oldilar.