#Bayram_tabrigi

Ustoz barchamiz hayotimizda ilk bilim olgan, hurmat qilgan, qadrlagan insondir. Ishlab chiqarishda, jumladan ko‘mir sanoati sohasida mehnat qilayotgan konchi-ustoz va murabbiylar o‘zlaridagi kuchli nazariy bilim va boy ishlab chiqarish tajribasini mohirona uyg‘unlashtirgan holda faoliyat ko‘rsatib kelayotganlari tahsinga sazovordir.

Angren konchilari hamisha kadrlar va ularning kasbiy darajasiga juda yuqori talablar qo‘ygan. Mahalliy ko‘mir sanoatida ishlaydigan mutaxassislarning ishbilarmonlik fazilatlarini mana shunday aniqlash kerak.

Bo‘lajak konchilar o‘rta, o‘rta maxsus va oliy o‘quv yurtlarida bilim olib, malaka oshirib, imtihonlar orqali diplom olgandan so‘ng sanoat tarmoqlariga ishga kirishadi va nazariy bilimlarini amaliyotda qo‘llaydilar.

Aksiyadorlik jamiyatimiz qoshidagi o‘quv markazida muntazam yo‘lga qo‘yilgan o‘quv kurslari mutaxassis kadrlar tayyorlash, qayta tayyorlash va uzluksiz   ravishda malakasini oshirib borishga xizmat qilmoqda. Bu yerda hamma narsa muhim: tajribali o‘qituvchilar va ular bilan mashg‘ulotlardan o‘tishni xohlaydiganlarning mavjudligi. O‘qituvchilar, jumladan, katta ish tajribasiga ega o‘quv-ishlab chiqarish ustalari bo‘lajak mutaxassislarga konchilik mahorati sirlarini o‘rgatib kelmoqda.

Filiallarda keng yo‘lga qo‘yilgan “Ustoz ‒ shogird” an’anasi yosh mutaxassislarimizda konchilikdagi muhim kasblarni puxta o‘zlashtirishda katta samara bermoqda. Ko‘p yillardan buyon samarali mehnat qilib, boy tajriba to‘plagan og‘ir kon-texnika mashinistlari va boshqa qator kasb egalari yoshlarga ustozlik qilib, o‘zlariga munosib o‘rinbosarlar tayyorlamoqda. Biz  ularning bunday ezgu ishlaridan hamisha minnatdormiz.

Hurmatli ustoz konchilar, qadrli hamkasblar!

Sizni 1-oktabr – O‘qituvchi va murabbiylar kuni bilan tabriklaymiz! Sizga sihat-salomatlik, farovonlik va kelgusidagi ustoz va murabbiylik faoliyatingizda hamisha muvaffaqiyatlar tilayman. Shogirdlar o‘z ustozidan minnatdor bo‘lishlari, ustozlar ham o‘z shogirdlari va ularning yuksak mehnat yutuqlari bilan faxrlanishlari kerak. Biz esa esa ko‘mir sanoati faxriylariga bo‘lgan  aziz ustozlarga ta’zim qilamiz.
 

V.V.Kuznetsov,

“O‘zbekko‘mir” AJ Bosh direktori