Bugungi kunda korrupsiya muammosiga jahonning deyarli har bir mamlakatida duch kelish mumkin. Korrupsiya so‘nggi yillarda xalqaro miqyosda transmilliy jinoyat sifatida hamjamiyat tomonidan keng muhokama qilinayotgan mavzulardan biridir. Ta’kidlash lozimki, korrupsiya keltiradigan zarar barcha davlatlar uchun teng sanalib, mazkur illat davlatning turli sohalariga, xususan siyosiy, iqtisodiy, ijtimoiy, madaniy jabhalarida amalga oshirilayotgan islohotlarga hamda mamlakatning xalqaro maydondagi imidji va investitsiyaviy jozibadorligiga salbiy ta’sir ko‘rsatadi.

“O‘zbekko‘mir” aksiyadorlik jamiyatida bugungi kunda kor-rupsiyaga qarshi kurashish yo‘nalishida bir qator islohotlar, tizimli chora-tadbirlar amalga oshirilib, jamoatchilik bilan ochiq muloqotlar tashkil etilmoqda.

Ko‘mir sanoatidagi eng yirik korxonalardan biri hisoblangan “O‘zbekko‘mir” AJ tarkibida 11 ta tuzilma faoliyat yuritmoqda. “Angren ko‘mir koni”, “Apartak ko‘mir koni”, “Shaxta usulida ko‘mir qazib olish” filiallarining asosiy faoliyati ko‘mir qazib chiqarish bo‘lsa, qolganlari avtotransport, temiryo‘l va xizmat ko‘rsatish kabi filiallar hisoblanadi.

Mazkur keng qamrovli jamiyat tizimida shaffof va xolis boshqa-ruvni ta’minlash, korrupsiyadan holi muhitni shakllantirish katta mas’uliyat va intizom talab etadi.

Prezidentimizning 2025-yil 21-apreldagi “Davlat organlari va tashkilotlarining korrupsiyaga qarshi ichki nazorat bo‘linmalari mustaqilligini ta’minlash hamda faoliyati samaradorligini oshirish chora-tadbirlari to‘g‘risida”gi qarorining ijrosini ta’minlash maqsadida, jamiyatda mavjud korrupsiyaga qarshi ichki nazo-rat tuzilmasini yangidan tashkil etish, qo‘shimcha shtatlar joriy etish to‘g‘risida jamiyat bosh direktorining 2025-yil 28-mayda 197-sonli buyrug‘i qabul qilindi. Shuningdek, “O‘zbekko‘mir” AJ aksiyadorlarining umumiy yig‘ilishi tomonidan jamiyatning tashkiliy tuzilmasi tasdiqlanib, bugungi kunda korrupsiyaga qarshi ichki nazorat tuzilmasining qo‘shimcha joriy etilgan bo‘sh o‘rinlariga nomzodlarni ochiq tanlov asosida ishga qabul qilish jarayoni davom etmoqda.

Jamoatchilik bilan ochiq mu-loqot ham korrupsiyaga qarshi samarali kurashishning muhim bo‘g‘ini hisoblanib, “O‘zbekko‘mir” AJ tomonidan ushbu masalaga alohida e’tibor qaratilmoqda. Ij-timoiy tarmoqlar orqali ushbu soha doirasida so‘rovnomalar, onlayn muloqotlar tashkil etilib, fuqarolarning murojaatlari bevosita ko‘rib chiqilishi, aniqlangan huquqbuzarlik holatlari yuzasidan tekshiruvlar o‘tkazilishi va zarur choralar ko‘rilishi yo‘lga qo‘yilgan.

Shu bilan birga, jamiyatning rasmiy veb-sayti va ijtimoiy tarmoqlardagi sahifalarida maxsus qayta aloqa kanallari tashkil etilgan bo‘lib, har bir fuqaro o‘z murojaati va fikrini yuborish imkoniyatiga ega. Bu esa davlat korxonalarida jamoatchilik ishonchi va faol ish-tirokiga asoslangan boshqaruv madaniyatini shakllantirish yo‘lida muhim qadam sanaladi.

Shuningdek, joriy yilning 28-may kuni Milliy matbuot markazida “mycoal.uz” elektron platformasini joriy etish orqali iste’molchilarni ko‘mir yoqilg‘isi bilan ta’minlashni yangi bosqichga olib chiqish mavzusida Tog‘-kon sanoati va geologiya vazirligi, Bosh prokuratura hamda “O‘zbekko‘mir” AJ mutasaddilari ishtirokida mat-buot anjumani bo‘lib o‘tdi.

Mazkur anjumanda respub-lika hududidagi konlarda ko‘-mir qazib olish jarayonlarini raqamlashtirish, inson omili chek-langan shaffof mexanizmlarni joriy etish, iste’molchilarga (aholi va ijtimoiy soha muassasalari) ko‘mir yoqilg‘isini yetkazib berish jarayonlarini raqamlashtirish orqali korrupsiyaviy omillarni kamaytirish va iste’molchilarga qulayliklar yaratish borasida amalga oshirilayotgan ishlar haqida ma’lumot berildi.

Qayd etilganidek, Vazirlar Mahkamasining 2022-yil 29- sentyabrdagi 551-son qarori asosida “O‘zbekko‘mir” AJ to-monidan 2024-yilda “Aholining ko‘mir mahsulotiga bo‘lgan talabini shakllantirish va ko‘mir qazib olishdan yetkazib berishgacha bo‘lgan barcha jarayonlarni avtomatlashtirilgan tizimi” – “mycoal.uz” maxsus portali ishlab chiqildi va joriy etildi.

Ma’lumot uchun, 2024- yilda respublikamiz bo‘yicha 9 mingdan ziyod mahallalardagi 1,4 milliondan ortiq xonadonlardan onlayn arizalar qabul qilindi va jami 760 ming tonna ko‘mir iste’molchilarga yetkazib berildi. Endilikda raqamlashtirish yangi platforma asosida ishlash barcha jarayonni kuzatib turish imkonini bermoqda.

Bugungi kunda “Mycoal.uz” platformasiga integratsiya qilingan tizimlar orqali kondan ko‘mir qazib olish, temir yo‘l orqali tashish va omborlarga yetkazib berish jarayonlari to‘liq videokuzatuvga olingan. GPS-treking, elektron tarozilar va avtomatlashtirilgan hi-sobot tizimlari joriy qilinib, inson aralashuvi keskin kamaytirildi. Ayni chog‘da “Angren” va “Sharg‘un” ko‘mir konlarida qazish jarayonlari onlayn tarzda kuzatib borilmoqda. Mazkur amalga oshirilgan chora-tadbirlarning bar-chasi tizimda ko‘mir qazib olish va uni iste’molchilarga yetkazib berish jarayonlarida inson omilini kamaytirish va korrupsiyaviy holatlarni oldini olishga xizmat qiladi.

Agar Siz korrupsiya holatla-riga yoki shu kabi shubhali harakatlarga duch kelsangiz, “O‘zbekko‘mir” AJning quyidagi Ishonch kanallari orqali murojaat qilishingiz mumkin:

Ishonch telefon raqami: +998781503980

Ijtimoiy tarmoqlar orqali:

Telegram: @uzbekcoal_bot, @antikorrupsiya_uzcoal_bot

Pochta orqali: info@coal.uz, mailto:info@coal.uz

O. Ismoilov,

“O‘zbekko‘mir” AJ Bosh direktorning birinchi o‘rinbosari

Manbaa: “Ulug‘ yo‘l” gazetasi, 2025-yil 20-sentabrdagi 26 (466)-son