Bugun butun dunyo bo‘ylab nishonlanadigan “Avtomobilsiz kun” mamlakatimizda ham an’anaga aylanib bormoqda. Ushbu kun nafaqat transport vositalaridan foydalanishni qisqartirish, balki havoni asrash va sog‘lom turmush tarzini targ‘ib qilish uchun ham katta imkoniyatdir.

“O‘zbekko‘mir” AJda olti mingga yaqin xodim mehnat qiladi. Ularning aksariyati shahar va shahar atroflaridan qatnab ishlaydi. Ko‘pchilik xodimlar piyoda keladi, Ancha uzoqda yashovchilar esa korxona avtobuslari va jamoat transportidan foydalanadi. Bu amaliyotning o‘ziyoq tirbandlikni kamaytirish va atrof-muhitni asrashda muhim hissa qo‘shmoqda.

“Avtomobilsiz kun” doirasidagi tadbirlarni korxonamizda yanada kuchaytirishimiz lozim. Zero, bu nafaqat shahrimiz havosi uchun, balki har birimizning sog‘lig‘imiz uchun ham juda muhim.

Abdunosir Qayumov

“O‘zbekko‘mir” AJ Birlashgan kasaba uyushma qo‘mitasi raisi