Ангрен – город горняков
Publication date: 12.06.2022 10:57:30Геолог-минереолог олим Д.М.Богданович 1932 йилда Оҳангарон водийси бўйлаб “Олмалиққурилиш” (“Алмалыкстрой”) ташкилоти учун қурилиш материалларини қидириб юрганида Жигаристон қишлоғининг дарёга туташган жойида одамлар ер остида кўмир қазиб, ошланган тери қопларга солинган ҳолда жун арқонли чархпалак ёрдамида юқорига тортиб олишаётганини кўради. Атрофда эса кўмирчи мардикорлар чиқариб ташлаган қизил гил (каолин) уюмлари ётар эди. Олим бу ерда каолин ва кўмир конининг мавжудлиги тўғрисида илк илмий-геологик ҳисоботни тайёрлайди. Ана шу ҳисобот, назаримизда, бугунги кунда республкамизнинг йирик саноат марказига айланган Ангрен шаҳрининг пайдо бўлишига сабаб бўлади.
“Ўзбеккўмир” АЖда 10 июнь куни Ангрен шаҳрининг 76 йиллигига бағишлаб ўтказилган маънавий-маърифий тадбирда шаҳарнинг тарихи билан боғлиқ юқоридаги фикрлар айтиб ўтилди.
“Қурилиш-монтаж ишлари” филиали фаоллар залида “Ўзбеккўмир” АЖ ижро аппарати ва филиаллар вакиллари иштирокида ташкил этилган тадбирни жамият Бирлашган касаба уюшма қўмитаси раисининг ўринбосари Анорбек Султонов қисқача кириш сўзи билан очар экан, Ангрен шаҳри ва унинг бугунги куни, ушбу кончилар, энергетиклар, кимёгарлар, йўлсозлар ва қурувчилар масканининг республикамиз иқтисодиётида тутган ўрни ва аҳамиятига алоҳида тўхталиб ўтди.
Ангрен шаҳрининг бунёдга келиши, шубҳасиз, шу ҳудудда қўнғир кўмир конининг топилиши ва уни саноат усулида қазиб олишнинг кенг йўлга қўйилиши билан чамбарчас боғлиқ. Жамият Ахборот хизмати раҳбари, Ўзбекистон Ёзувчилар уюшмаси аъзоси Неъмат Душаев тадбирда Ангрен шаҳрининг пайдо бўлиши, ривожланиш тарихи хусусида маъруза қилди.
Ўзбекистон Республикаси Халқ Комиссарлари Кенгашининг 1940 йил 25 сентябрда чиқарилган қарорига асосан Тошкент-Сталинкўмир” кон бошқармаси ташкил этилди. Орадан олти йил ўтиб, ана шу бошқарма жойлашган “Ангреншахтстрой” посёлкасининг аҳоли сони 20540 кишига етиши муносабати билан Ўзбекистон ССР Олий Совети Президиумининг 1946 йил 13 июнь куни чиқарилган қарорига кўра бу посёлка вилоятга бўйсунувчи Ангрен шаҳрига айлантирилди.
Тадбир халқимизнинг ардоқли санъаткори, Ўзбекистон халқ ҳофизи Оролмирзо Сафаров ўз жамоаси билан иштирок этди. У йиғилганларга Ангрен шаҳрига оид хотираларини мароқ билан сўзлаб берди.
Тадбир Оролмирзо Сафаров ижросида дилбар қўшиқлар гулдастаси намойиши билан якунланди.
Comments
Latest news
May our country always be peaceful and our people prosperous!Ikkinchi jahon urushi qatnashchilari hamda ko‘mir sanoati mehnat faxriylariga “O‘zbekko‘mir” AJ Bosh direktori Dusmatov Nodirbek Uktamjanovichning bayram tabrigi Hurmatli urush veteranlari va ko‘mir sanoati mehnat faxriylari! Sizlarni 9 may – Xotira va qadrlash kuni hamda Ikkinchi jahon urushida qozonilgan Gʻalabaning 80 yilligi bilan chin qalbimdan samimiy tabriklayman! Biz bugungi ozod va erkin hayot uchun aziz jonini ayamasdan kurashgan ota-bobolarimiz, front ortida mashaqqatli mehnat qilib, g‘alabaga beqiyos hissa qo‘shgan hamyurtlarimizning yorqin xotirasi oldida hamisha bosh egamiz. Shafqatsiz urushda, mashaqqatli mehnat frontida mardlik va jasorat ko‘rsatgan, urushdan keyingi tinch qurilish yillarida O‘zbekiston ko‘mir sanoatini yo‘lga qo‘yish va rivojlantirishga ulkan hissa qo‘shgan faxriy konchilarimizga yuksak hurmat va ehtirom bajo keltiramiz. Bugungi dorilomon kunlar uchun shukrona aytib, Vatan ozodligi va xalq farovonligi uchun kurashgan qahramonlar haqida gapirar ekanmiz, tabarruk Ona siymosi ko‘z o‘ngimizda namoyon bo‘ladi. Chunki el-yurt himoyasini or-nomus ishi deb biladigan mard va botir o‘g‘lonlarni voyaga yetkazgan ulug‘ zot – onadir. Ko‘mir sanoatining rivojlanishiga o‘z hayotida munosib hissa qo‘shgan ko‘plab o‘g‘lonlarni ham dunyoga keltirgan va voyaga yetkazgan onalardir. Oldimizga qo‘yilgan ulkan maqsadlarga erishishda faxriylarimizning jasorati, shonli an’analari, hech shubhasiz, biz uchun hamisha ibrat bo‘lib xizmat qiladi. Ayniqsa, Sizlar barcha ishlarimizda dono maslahatgo‘y, tog‘dek tayanch bo‘lib, duolaringiz bilan madad berib kelmoqdasiz. Va biz buni yuksak qadrlaymiz, sizlar bilan cheksiz faxrlanamiz! Fursatdan foydalanib, barchangizga sihat-salomatlik, baxt-saodat, xonadonlaringizga qut-baraka tilayman. Yurtimiz hamisha tinch, xalqimiz yanada farovon bo‘lsin!
Congratulatory Message from Dusmatov Nodirbek Uktamjanovich, General Director of "O‘zbekko‘mir" JSC, to World War II Veterans and Coal Industry Labor Veterans Dear war...
Read
