ИЛК ДАМ ОЛУВЧИЛАР “КОИНОТ”ДАН ОИЛАСИГА ҚАЙТИШДИ
Publication date: 15.07.2021 05:42:07Куни кеча “Ўзбеккўмир” акциядорлик жамиятининг хушманзара “Коинот” болалар соғломлаштириш оромгоҳи ёз мавсумининг илк навбатида 250 нафар болани дам олдириб, оиласига кузатди. Айни пайтда оромгоҳ жамоаси иккинчи навбат қабулига қизғин тайёргарлик кўрмоқда.
Оромгоҳ раҳбари, тажрибали педагог Маъмура Усмонова мухбиримизга қуйидагиларни сўзлаб берди:
− Ангрен шаҳридан 21 чақирим олисда – Оҳангарон туманининг сўлим Четсув қишлоғи ҳудудида жойлашган оромгоҳимиз 1959 йилда ташкил топган бўлиб, умумий ер майдони 7,2 гектардан иборат. “Ўзбеккўмир” АЖ ва Бирлашган касаб уюшма қўмитаси оромгоҳни мавсумга пухта тайёрлади. Барча шароитлари етарли. Ётоқхона, тиббиёт биноси ва ошхонадан иборат олти бино, икки чўмилиш ҳавзаси мавжуд.
Болажонларнинг оромгоҳда кечган ҳар бир куни унутилмас бўлди, десам адашмайман. Мустақиллигимизнинг ўттиз йиллигига бағишлаб ўтказилган “Янги Ўзбекистонда эркин ва фаровон яшайлик!” ва “Янги Ўзбекистон − янги марралар, якдил қадамлар” мавзуларида 5 ташаббус бўйича турли кўрик-танловлар, “Кичик олимпиада” спорт беллашувлари, “Оромгоҳнинг энг зўр китобхони”, “Китоб байрами” каби кўрик-танловлари ёш иштирокчиларга бир олам завқ бағишлади. Таниқли санъаткорлар иштирокидаги концерт дастурлари улар кайфиятига кайфият қўшди.
Comments
Latest news
May our country always be peaceful and our people prosperous!Ikkinchi jahon urushi qatnashchilari hamda ko‘mir sanoati mehnat faxriylariga “O‘zbekko‘mir” AJ Bosh direktori Dusmatov Nodirbek Uktamjanovichning bayram tabrigi Hurmatli urush veteranlari va ko‘mir sanoati mehnat faxriylari! Sizlarni 9 may – Xotira va qadrlash kuni hamda Ikkinchi jahon urushida qozonilgan Gʻalabaning 80 yilligi bilan chin qalbimdan samimiy tabriklayman! Biz bugungi ozod va erkin hayot uchun aziz jonini ayamasdan kurashgan ota-bobolarimiz, front ortida mashaqqatli mehnat qilib, g‘alabaga beqiyos hissa qo‘shgan hamyurtlarimizning yorqin xotirasi oldida hamisha bosh egamiz. Shafqatsiz urushda, mashaqqatli mehnat frontida mardlik va jasorat ko‘rsatgan, urushdan keyingi tinch qurilish yillarida O‘zbekiston ko‘mir sanoatini yo‘lga qo‘yish va rivojlantirishga ulkan hissa qo‘shgan faxriy konchilarimizga yuksak hurmat va ehtirom bajo keltiramiz. Bugungi dorilomon kunlar uchun shukrona aytib, Vatan ozodligi va xalq farovonligi uchun kurashgan qahramonlar haqida gapirar ekanmiz, tabarruk Ona siymosi ko‘z o‘ngimizda namoyon bo‘ladi. Chunki el-yurt himoyasini or-nomus ishi deb biladigan mard va botir o‘g‘lonlarni voyaga yetkazgan ulug‘ zot – onadir. Ko‘mir sanoatining rivojlanishiga o‘z hayotida munosib hissa qo‘shgan ko‘plab o‘g‘lonlarni ham dunyoga keltirgan va voyaga yetkazgan onalardir. Oldimizga qo‘yilgan ulkan maqsadlarga erishishda faxriylarimizning jasorati, shonli an’analari, hech shubhasiz, biz uchun hamisha ibrat bo‘lib xizmat qiladi. Ayniqsa, Sizlar barcha ishlarimizda dono maslahatgo‘y, tog‘dek tayanch bo‘lib, duolaringiz bilan madad berib kelmoqdasiz. Va biz buni yuksak qadrlaymiz, sizlar bilan cheksiz faxrlanamiz! Fursatdan foydalanib, barchangizga sihat-salomatlik, baxt-saodat, xonadonlaringizga qut-baraka tilayman. Yurtimiz hamisha tinch, xalqimiz yanada farovon bo‘lsin!
Congratulatory Message from Dusmatov Nodirbek Uktamjanovich, General Director of "O‘zbekko‘mir" JSC, to World War II Veterans and Coal Industry Labor Veterans Dear war...
Read
