“Ўзбеккўмир” АЖ: ёшлар қандай натижаларга эришмоқдалар?
Publication date: 10.02.2022 03:55:55“Ўзбеккўмир” акциядорлик жамиятида ёшларга оид давлат сиёсатини амалга оширишга қаратилган чора-тадбирлар дастури ижроси доирасида 2021 йилда қандай натижаларга эришилди? 2022 йилдаги режалар нималардан иборат?
Жорий йилнинг 9 февраль куни Жамият ижро аппарати фаоллар залида ташкил этилган Ёшлар иттифоқи етакчилар Кенгашининг ҳисобот йиғилишида ана шу масала атрофлича кўриб чиқилди.
Етакчилар кенгаши раиси Даврон Абдураҳмонов кенгаш томонидан йил давомида амалга оширилган ишлар бўйича ҳисобот берди. Таъкидландики, жамият тизимидаги корхоналарда меҳнат қилаётган ёшлар нафақат ишлаб чиқаришда, балки ижтимоий-сиёсий, маънавий жабҳаларда ҳам фаол иштирок этиб, ўз иқтидорларини тобора яққол намоён қилмоқдалар.
Жумладан, Ёшлар ишлари агентлиги ҳамда Ўзбекистон ХДП ҳамкорлигида ташкил этилган “Ёш сиёсатчи” кўрик-танловида жамият ёшлари шаҳар бўйича биринчи, вилоятда иккинчи ўринни қўлга киритиб, республика босқичига йўлланма олдилар. Энергетика вазирлиги томонидан май ойида ўтказилган “Ёшлик энергияси” халқаро форумида ҳам улар фаол қатнашиб, шарафли биринчи ўринни қўлга киритдилар. Ўзбекистон ёшлари форуми доирасида ташкил этилган “Иттифоқ кубоги мусобақаларида жамият ёшлар футбол жамоаси Ангрен шаҳридаги идора ва ташкилотлар вакилларини доғда қолдириб, кубок соҳибига айланишди. Жамият ёшлар иттифоқи етакчилар кенгаши раиси эса Ёшлар ишлари агентлиги республика кенгаши ҳамда Ёшлар иттифоқи марказий кенгаши томонидан ўтказилган "Йил етакчиси" кўрик-танловда мутлақ ғолиб деб топилди ва диплом ҳамда қимматбаҳо эсдалик совғаси билан тақдирланди.
Йиғилишда ёшлар фаоллигини оширишга қаратилган тадбирлар самарадорлигини таъминлаш учун мавжуд имкониятларни тўла ишга солиш, йўл қўйилган камчилик ва нуқсонларни бартараф этиш зарурлиги ҳам алоҳида қайд этилди. Жамият тизимида ёшлар сиёсатини амалга ошириш бўйича 2022 йилга мўлжалланган чора-тадбирлар дастури бандлари атрофлича муҳокама қилинди ҳамда тегишли қўшимча ва ўзгартишлар киритилган ҳолда тасдиқланди.
Тадбир якунида жамият тизимидаги корхоналарда 2021 йил давомида фаол иш олиб борган ёшлар етакчилари тақдирландилар.
"Ўзбеккўмир" АЖ ахборот хизмати
Comments
Latest news
May our country always be peaceful and our people prosperous!Ikkinchi jahon urushi qatnashchilari hamda ko‘mir sanoati mehnat faxriylariga “O‘zbekko‘mir” AJ Bosh direktori Dusmatov Nodirbek Uktamjanovichning bayram tabrigi Hurmatli urush veteranlari va ko‘mir sanoati mehnat faxriylari! Sizlarni 9 may – Xotira va qadrlash kuni hamda Ikkinchi jahon urushida qozonilgan Gʻalabaning 80 yilligi bilan chin qalbimdan samimiy tabriklayman! Biz bugungi ozod va erkin hayot uchun aziz jonini ayamasdan kurashgan ota-bobolarimiz, front ortida mashaqqatli mehnat qilib, g‘alabaga beqiyos hissa qo‘shgan hamyurtlarimizning yorqin xotirasi oldida hamisha bosh egamiz. Shafqatsiz urushda, mashaqqatli mehnat frontida mardlik va jasorat ko‘rsatgan, urushdan keyingi tinch qurilish yillarida O‘zbekiston ko‘mir sanoatini yo‘lga qo‘yish va rivojlantirishga ulkan hissa qo‘shgan faxriy konchilarimizga yuksak hurmat va ehtirom bajo keltiramiz. Bugungi dorilomon kunlar uchun shukrona aytib, Vatan ozodligi va xalq farovonligi uchun kurashgan qahramonlar haqida gapirar ekanmiz, tabarruk Ona siymosi ko‘z o‘ngimizda namoyon bo‘ladi. Chunki el-yurt himoyasini or-nomus ishi deb biladigan mard va botir o‘g‘lonlarni voyaga yetkazgan ulug‘ zot – onadir. Ko‘mir sanoatining rivojlanishiga o‘z hayotida munosib hissa qo‘shgan ko‘plab o‘g‘lonlarni ham dunyoga keltirgan va voyaga yetkazgan onalardir. Oldimizga qo‘yilgan ulkan maqsadlarga erishishda faxriylarimizning jasorati, shonli an’analari, hech shubhasiz, biz uchun hamisha ibrat bo‘lib xizmat qiladi. Ayniqsa, Sizlar barcha ishlarimizda dono maslahatgo‘y, tog‘dek tayanch bo‘lib, duolaringiz bilan madad berib kelmoqdasiz. Va biz buni yuksak qadrlaymiz, sizlar bilan cheksiz faxrlanamiz! Fursatdan foydalanib, barchangizga sihat-salomatlik, baxt-saodat, xonadonlaringizga qut-baraka tilayman. Yurtimiz hamisha tinch, xalqimiz yanada farovon bo‘lsin!
Congratulatory Message from Dusmatov Nodirbek Uktamjanovich, General Director of "O‘zbekko‘mir" JSC, to World War II Veterans and Coal Industry Labor Veterans Dear war...
Read
