“Ўзбеккўмир” АЖда бино ва иншоотлар зилзилабардошлик бўйича хатловдан ўтказилади
Nashr qilingan sana: 09.06.2022 22:34:14Ўзбекистон Республикаси Президентининг “Ўзбекистон Республикасининг сейсмик хавфсизлигини таъминлаш тизимини янада такомиллаштириш чора-тадбирлари тўғрисида” 2022 йил 30 майдаги ПФ-144-сон Фармони ижросини таъминлаш мақсадида “Ўзбеккўмир” АЖ бош директорининг буйруғи қабул қилинди.
Буйруққа кўра, Фармоннинг 2-иловасидаги тегишли бандлари ижросини самарали амалга ошириш бўйича “Йўл харита” иловага мувофиқ тасдиқланди.
Йўл харитасида белгиланганидек, жамиятда зилзила ва унинг оқибатларига оид ишлаб чиқилган кўргазмали ўқув-услубий воситалар ва методик қўлланмалардан фойдаланган ҳолда топшириқ мавзусига оид материалларни тайёрланади, ўтказиладиган ўқув машғулотлари режаси ишлаб чиқилади ва жавобгарлар ҳамда иштирокчилар рўйхати шакллантирилади. Машғулотлар олиб бориш тартиби, манзили ва жалб қилинадиган техникаларнинг ҳаракати режалари тузилиб, амалга оширилади.
Айни пайтда жамиятнинг филиаллари ва объектларидаги барча бино ва иншоотларнинг ҳолати бирламчи хатловдан ўтказилиб, уларнинг зилзилабардошлиги бўйича электрон техник паспортлари шакиллантирилади ҳамда электрон техник паспортларининг ягона интеграциялашган платформасига киритилади.
Буйруқ билан муҳандис (Иномхужаев), ФМ ва ФВ бўйича бош мутахассис (Иноятов), бош геолог (Жўраев), бош маркшейдер (Худайназаров), ММТСХ ва Э бўлими бошлиғи (Хаитматов), Ўқув маркази бошлиғи (Касимов), Матбуот котиби (Душаев), Мулклар билан ишлаш бўйича етакчи мутахассис (Раҳматиллаева), “Геология кидирув экспедицияси” филиали раҳбари (Абдужалилов)га иловага мувофиқ тасдиқланган “Йўл харитаси” бандларининг ижросини белгиланган муддатларда таъминлаш ҳамда асословчи ҳужжатларни ijro.gov.uz тизимига киритиш чораларини кўриш вазифаси юклатилди.
Маълумот учун, “Ўзбекистон Республикасининг сейсмик хавфсизлигини таъминлаш тизимини янада такомиллаштириш чора-тадбирлари тўғрисида”ги Президент фармони мувофиқ, 2022 йил 1 сентябрдан республиканинг сейсмик фаол зоналарида янги қурилиши режалаштирилаётган хавфлилик омили IV тоифага мансуб объектларга зилзилабардошлик бўйича хулосалар бериш тартиби жорий этилади.
“Ўзбеккўмир” АЖ Ахборот хизмати
Izohlar
Oxirgi yangiliklar:
Xavotirga o‘rin yo‘q: ko‘mir zaxirasi yetarli
#Rasmiy_munosabat Ijtimoiy tarmoqlarda Denov va Boysun tumanlaridagi ko‘mir omborlarida sun’iy navbatlar yuzaga kelgani haqida videolavhalar tarqaldi. Holat y...
O'qish
Bir yurt, bir niyat: farg‘onaliklar Angren konchilari bilan yelkadosh
“Angren” ko‘mir konida konchilarni qo‘llab-quvvatlash maqsadida tadbir o‘tkazildi. Tadbirda Farg‘ona viloyati hokimi nomidan dasturxon yozilib, mehnatkash k...
O'qish
O‘zbek tili bayrami: amaliyot va ma’naviyat uyg‘unligi
“O‘zbekko‘mir” AJda O‘zbek tili bayrami munosabati bilan amaliy tadbirlar o‘tkazilmoqda. Har yili 21 oktabr sanasi yurtimizda “O‘zbek tili bayrami” sifatida keng nisho...
O'qish
Angren konchilari haqida Rossiya jurnalida maqola chop etildi
Rossiya Federatsiyasining xalqaro “Глобус: геология и бизнес” jurnalida (2025 yil oktabr, №4) jurnalist Diana Andreevaning “Ular qorong‘ulikda ishlaydilar” sarlavhal...
O'qish