ЖУРНАЛИСТЛАР УЧУН “АПАРТАК” КЎМИР КОНИГА ПРЕСС-ТУР ТАШКИЛ ЭТИЛДИ
Publication date: 15.07.2021 05:49:148 июль куни “Ўзбеккўмир” акциядорлик жамиятининг “Апартак” кўмир конига пресс-тур ташкил этилди.
Тадбирда жамият бош директори Владимир Кузнецов иштирок этиб, журналистларга Ўзбекистонда кўмир саноати соҳасидаги янгиликлар, “Ўзбеккўмир” АЖда амалга оширилаётган ишлар, хусусан, республикада қаттиқ ёқилғига бўлган талабни қондиришда “Апартак” конининг ҳиссаси ҳақида сўзлаб берди.
“Апартак” “Ўзбеккўмир” акциядорлик жамияти тасарруфидаги учта кўмир коннинг бири бўлиб, қаттиқ ёқилғи мураккаб геологик шароитда очиқ усулда қазиб олинади.
1968 йилда қуриб ишга туширилган кон ихтиёрида ҳозирги кунда 13 та экскаватор, 22 та оғир юк ташувчи автосамосвал, шунингдек, бульдозер, автогрейдер, автокран, бурғулаш қурилмаси, конвейр линияси каби кон техникаси мавжуд. Ана шу мавжуд кон техникаси ёрдамида бу ерда йилига 2,2 млн куб метр ҳажмида тупроқ ишлари бажариш, 387,5 минг тонна кўмир қазиб чиқариш мумкин. Конда 2018 йилда − 350 017 тонна, 2019 йилда − 355 100 тонна, 2020 йилда − 456 035 тонна қаттиқ ёқилғи қазиб олинди.
“Апартак” конида кўмир қазиб олиш ҳажмларини ошириш ва маҳсулот таннархини камайтириш мақсадида 2021-2025 йилларга мўлжалланган концепция ишлаб чиқилди. Ушбу концепцияга кўра, 2025 йилга бориб устки қатламни очиш ишлари икки бараварга оширилиб, йилик ўртача ҳажми 4 млн. 500 минг кубомертни ташкил этади.
Жорий йилда “Апартак”да 2020 йилдагига нисбатан салкам икки баравар кўп – 764,7 минг тонна кўмир қазиб олиш режалаштирилган. Шунинг 531,9 минг тоннаси кон тасарруфидаги мавжуд техника, 232,8 минг тоннаси четдан жалб қилинган техника ёрдамида бажарилади.
2021 йилнинг 1-ярим йиллиги давомида кондан 306,5 минг тонна кўмир қазиб олинди. Тайёр маҳсулот республика иқтисодиёт тармоқлари, ижтимоий соҳа объектлари ва аҳоли эҳтиёжлари учун етказиб берилмоқда.
Журналистлар кон ишлаб чиқариш майдонида бўлиб, кўмир устки қатламини очиш ва кўмир қазиб олиш жараёнлари билан бевосита танишдилар ва ўзларини қизиқтирган саволларга батафсил жавоблар олдилар.
Comments
Latest news
May our country always be peaceful and our people prosperous!Ikkinchi jahon urushi qatnashchilari hamda ko‘mir sanoati mehnat faxriylariga “O‘zbekko‘mir” AJ Bosh direktori Dusmatov Nodirbek Uktamjanovichning bayram tabrigi Hurmatli urush veteranlari va ko‘mir sanoati mehnat faxriylari! Sizlarni 9 may – Xotira va qadrlash kuni hamda Ikkinchi jahon urushida qozonilgan Gʻalabaning 80 yilligi bilan chin qalbimdan samimiy tabriklayman! Biz bugungi ozod va erkin hayot uchun aziz jonini ayamasdan kurashgan ota-bobolarimiz, front ortida mashaqqatli mehnat qilib, g‘alabaga beqiyos hissa qo‘shgan hamyurtlarimizning yorqin xotirasi oldida hamisha bosh egamiz. Shafqatsiz urushda, mashaqqatli mehnat frontida mardlik va jasorat ko‘rsatgan, urushdan keyingi tinch qurilish yillarida O‘zbekiston ko‘mir sanoatini yo‘lga qo‘yish va rivojlantirishga ulkan hissa qo‘shgan faxriy konchilarimizga yuksak hurmat va ehtirom bajo keltiramiz. Bugungi dorilomon kunlar uchun shukrona aytib, Vatan ozodligi va xalq farovonligi uchun kurashgan qahramonlar haqida gapirar ekanmiz, tabarruk Ona siymosi ko‘z o‘ngimizda namoyon bo‘ladi. Chunki el-yurt himoyasini or-nomus ishi deb biladigan mard va botir o‘g‘lonlarni voyaga yetkazgan ulug‘ zot – onadir. Ko‘mir sanoatining rivojlanishiga o‘z hayotida munosib hissa qo‘shgan ko‘plab o‘g‘lonlarni ham dunyoga keltirgan va voyaga yetkazgan onalardir. Oldimizga qo‘yilgan ulkan maqsadlarga erishishda faxriylarimizning jasorati, shonli an’analari, hech shubhasiz, biz uchun hamisha ibrat bo‘lib xizmat qiladi. Ayniqsa, Sizlar barcha ishlarimizda dono maslahatgo‘y, tog‘dek tayanch bo‘lib, duolaringiz bilan madad berib kelmoqdasiz. Va biz buni yuksak qadrlaymiz, sizlar bilan cheksiz faxrlanamiz! Fursatdan foydalanib, barchangizga sihat-salomatlik, baxt-saodat, xonadonlaringizga qut-baraka tilayman. Yurtimiz hamisha tinch, xalqimiz yanada farovon bo‘lsin!
Congratulatory Message from Dusmatov Nodirbek Uktamjanovich, General Director of "O‘zbekko‘mir" JSC, to World War II Veterans and Coal Industry Labor Veterans Dear war...
Read
