“O‘zbekko‘mir” aksiyadorlik jamiyatida mamlakatimizda o‘tkazilayotgan “Korrupsiyaga qarshi kurashish oyligi” doirasida tizimli ishlar va ma’naviy-ma’rifiy tadbirlar izchil davom etmoqda. Jumladan, jamiyat va uning tarkibiy bo‘linmalarida “Korrupsiyaga qarshi kurashish umummilliy vazifa, har bir vatanparvar yurtdoshimizning vijdon ishi” mavzusida foto-chellenjlar tashkil etilib, xodimlar xalollik va shaffoflik tamoyillariga sodiqligini namoyish etmoqda.

Shu munosabat bilan “Qurilish-montaj ishlari” filiali jamoasi ham foto-chellenjda faol ishtirok etmoqda. Tadbir davomida xodimlar tomonidan korrupsiyaning zararli oqibatlari, unga qarshi kurashishda har bir fuqaroning faol pozitsiyasi muhim ekani alohida ta’kidlandi.

Filialning Kompaylens-nazorat va korrupsiyaga qarshi kurashish xizmati professional mutaxassisi R.Abdiqayyumov o‘z chiqishida shunday dedi:

– “Bugungi kunda taraqqiyotning eng katta dushmani — jamiyat ravnaqiga putur yetkazadigan eng xavfli illat bu – korrupsiyadir. Unga qarshi kurashish faqatgina tegishli idoralarning emas, balki har bir insonning fuqarolik burchi bo‘lishi lozim.

Aksilkorrupsiya oyligi doirasidagi tadbirlar jamiyatning barcha filiallarida amalga oshirilmoqda. Mazkur tashabbus xodimlarda huquqiy madaniyatni oshirish, shaffoflik muhitini mustahkamlash va korrupsiyaning oldini olishga qaratilgan.

BIR JASORAT KO‘RSATAMIZ

Bu kun yurtim ulug‘ yo‘lda,

Ravnaq topar Vatan, millat.

Ammo lekin to‘g‘anoqdir

Korrupsiya – yovuz illat.

Elni, yurtni, jamiyatni

Yemirgaydir korrupsiya.

Befarqlikdan, qo‘rqoqlikdan

“Semirgaydir” korrupsiya.

Halollikning yo‘lin tutgan

Biz, konchilar, but avloddir.

Adolatdir – maslagimiz,

Korrupsiya bizga yotdir.

Orzu, mehnat, umid va baxt

Bizning ezgu bayotimiz.

Illatlardan holi bo‘lsak,

Go‘zallashar hayotimiz.

Basdir, elning ko‘zi mudom

Qachongacha yoshlangaydir.

Bir yurt bo‘lib, bir el bo‘lib,

Olg‘a qadam tashlangaydir.

Vatan – Yangi O‘zbekiston,

O‘rganamiz, o‘rgatamiz.

Yovuz dushmanlarga qarshi

Biz jasorat ko‘rsatamiz.

Birlashaylik, kurashaylik,

Ezgu shiorimiz-marshimiz.

Biz halollik tarafdori,

Korrupsiyaga qarshimiz.

Aslo rozi bo‘lmagaymiz,

Yo‘qolsin bu – yovuz illat.

Halol mehnat-rohat bilan

Yashnagaydir Vatan, millat.

Biz jasorat ko‘rsatamiz…

                                                                                                                                                                                                                                                                                                                                                                                                                            Ne’mat Dushayev,

“O‘zbekko‘mir” AJ Axborot xizmati rahbari