Kasaba uyushmasi mehnatni muhofaza qilish vakillari o'qitildi
Nashr qilingan sana: 23.12.2025 18:00:06“O‘zbekko‘mir” AJ tizimidagi filiallarda saylangan kasaba uyushmasining mehnatni muhofaza qilish bo‘yicha o‘quv seminari bo‘lib o‘tdi.
Mazkur o‘quv seminarini “O‘zbekko‘mir” AJ Birlashgan kasaba uyushmasi qo‘mitasi raisi A.M. Kayumov ochib berdi. U o‘z nutqida ushbu o‘quv yig‘ilishining asosiy maqsadi — kasaba uyushmasining mehnatni muhofaza qilish bo‘yicha saylangan vakillarini amaldagi qonunchilik talablari asosida zarur bilim va amaliy ko‘nikmalar bilan ta’minlashdan iborat ekanini alohida ta’kidladi.
O‘quv seminar davomida O‘zbekiston Respublikasi Neft-gaz va geologiya vazirligi Respublika Kengashi mehnat texnik inspektori Saidmahmudov Saidnosir Saidqosimovich, shuningdek, O‘zbekiston kasaba uyushmalari Federatsiyasi Toshkent viloyati Kengashining mehnatni muhofaza qilish bo‘yicha yetakchi mutaxassisi Erbutaev Sobir Rahmonovich so‘zga chiqib, mehnatni muhofaza qilish sohasidagi dolzarb masalalar yuzasidan o‘z fikr-mulohazalarini bildirdilar hamda seminar ishtirokchilarining savollariga batafsil javob berdilar.
O‘quv seminari yakunlariga ko‘ra, kasaba uyushmasining mehnatni muhofaza qilish bo‘yicha saylangan 73 nafar vakiliga belgilangan tartibda guvohnomalar topshirildi hamda faol qatnashgan ishtirokchilarga esdalik sovg‘alari berildi.
Oxirgi yangiliklar:
Murakkab hududlarda bozor mexanizmi: aholi ko‘mirsiz qolmasligi uchun qanday choralar ko‘zda tutilgan?
Ko‘mir sanoatiga bozor mexanizmlarining joriy etilishi va aholini ko‘mir bilan ta’minlashga tadbirkorlik sub’yektlarining jalb qilinishi respublikamizning olis va borish...
O'qish
MAHALLIY KO‘MIR MAHSULOTLARINING YANGI ULGURJI NARXLARI
“O‘zbekko‘mir” AJ ko‘mir konida qazib olinadigan ko‘mir mahsulotlarining ulgurji narxlari (QQS bilan) qayta ko‘rib chiqilishi munosabati bilan O‘zbekiston Respublika tova...
O'qish
Brifing: ko‘mir ta’minotida yangi tizim: aholi uchun tanlov va raqobat imkoniyati kengaymoqda
Respublikamizda 2026/2027-yillar kuz-qish mavsumiga tayyorgarlik ko‘rish, aholi va iqtisodiyot tarmoqlarini energiya resurslari, jumladan, tabiiy gaz yetib bormagan hudud...
O'qish
Xalqaro jurnalda Angren konchilari faoliyati haqida keng maqola chop etildi
“O‘zbekko‘mir” AJ faoliyatining xalqaro va sohaviy ommaviy axborot vositalarida muntazam yoritib borilayotgani geologiya, konchilik va ko‘mir sanoati sohalarida amalg...
O'qish