Oʻzbekiston Qirgʻizistonga koʻmir sanoati sohasida yordam beradi
Nashr qilingan sana: 06.02.2023 12:51:09Imzolangan kelishuvlar ikki mamlakat energetika sohasini rivojlantirish va elektr energiyasi taqchilligini bartaraf etishga xizmat qiladi.
Oʻzbekiston va Qirgʻiziston oʻrtasida oʻzbek tomoni qoʻshni respublikaga koʻmir konlarini rivojlantirishda yordam beruvchi kelishuv imzolangan. Bu haqda Qirgʻiziston energetika vazirligi matbuot xizmatiga tayanib Sputnik Oʻzbekiston nashri xabar berdi.
"Qirgʻiziston Respublikasi energetika vaziri Taalaybek Ibrayev va Oʻzbekiston Respublikasi energetika vaziri Joʻrabek Mirzamaxmudov ikki mamlakat energetika sohasini rivojlantirish, qoʻshma loyihalarni amalga oshirishga koʻmaklashish toʻgʻrisidagi kelishuv va memorandumni imzoladi", - deyiladi matbuot xizmati xabarida.
Uning soʻzlariga koʻra, imzolangan hujjatlar orasida koʻmir sanoati sohasida hamkorlikni rivojlantirish boʻyicha kelishuv ham bor.
"Uning asosiy maqsadi Qirgʻiziston Respublikasidagi koʻmir konlarini rivojlantirish boʻyicha qoʻshma loyihalarni amalga oshirish, Qirgʻizistondan Oʻzbekistonga koʻmir eksportini tashkil etish. Oʻzbekistondan Qirgʻizistonga uskunalar yetkazib berish va koʻmir sifatini tahlil qiluvchi laboratoriya yaratish", - deyiladi vazirlik xabarida.
Vazirlar, shuningdek, gaz va neft sohasida hamkorlik toʻgʻrisidagi kelishuv hamda umumiy quvvati 1,8 GVt boʻlgan Chotqol GESlar kaskadi qurilishini amalga oshirish imkoniyatlarini birgalikda oʻrganish boʻyicha memorandumni imzolagan.
Manbaa: https://sputniknews-uz.com/20230201/ozbekiston-qirgizistonga-komir-sanoati-sohasida-yordam-beradi-31885785.html
Izohlar
Oxirgi yangiliklar:
Yo‘lingiz hamisha bexatar bo‘lsin!
Ushbu filialda uchta avtobaza bo‘lib, 2-avtobazada yengil ma va maxsus avtotransport transpot vositalari jamlangan. Jamoada ko‘plab o‘z kasbini puxta egallagan...
O'qishFuqaro muhofazasi va yong‘in xavfsizligi – dolzarb vazifa
Bugun “O‘zbekko‘mir” aksiyadorlik jamiyatida “Favqulodda vaziyatlar sodir bo‘lganda ob’ekt tuzilmalarining shahar fuqaro muhofazasi xizmatlari bilan hamkorlikdagi harakat...
O'qishHududiy ko‘mir omborlarida xavfsizlik holati o‘rganilmoqda
Respublika hududiy ko‘mir omborlarida kuz-qish mavsumiga qanday tayyorgarlik ko‘rilmoqda? Ushbu ob’ektlarda texnika va yong‘in xavfsizligi choralari qay darajada ko‘rilga...
O'qish2025-yilda ko‘mir qazib chiqarish hajmi 10 million tonnaga yetkazilishi kutilmoqda
Geologiyadagi muhim yo‘nalish ko‘rib chiqildi 13.05.2024 Prezident Shavkat Mirziyoyev 13-may kuni ko‘mir qazib chiqarishni oshirish rejalari taqdimoti bi...
O'qish