“Oʻzbekkoʻmir” AJ bosh direktori V.V.Kuznetsovning Yangi yil tabrigi
Nashr qilingan sana: 31.12.2022 05:17:50«Oʻzbekkoʻmir» aksiyadorlik jamiyati bosh direktori Vladimir Vladimirovich Kuznetsovning bayram tabrigi
Hurmatli hamkasblar, aziz konchilar!
Joriy 2022 yil nihoyasiga yetmoqda, oʻtgan bir yillik davr oson boʻlmasa-da, biz, koʻmir sanoati xodimlari uchun unumli kechdi. Eng muhimi, tabiiy boylik ‒ koʻmir qazib olish va joʻnatishning yuqori surʼatlari bilan quvontirdi: biz 5 million tonnalik marrani egalladik!
Erishilgan muvaffaqiyat oson boʻlmadi, albatta. Bir qancha qiyinchiliklarni mardonavor yengdik, umid bilan yashadik, omad va muvaffaqiyatga ishondik. Biz yanada rivojlanish tarafdorimiz va Oʻzbekiston hukumati oldimizga qoʻygan barcha maqsadlarga erisha olamiz.
Bizning ajoyib jamoamiz asosiy boyligimizdir. Aynan jamoaning uygʻunlashgan mehnati va har bir xodimning fidoyiligi tufayli «Oʻzbekkoʻmir» aksiyadorlik jamiyati keyingi oʻttiz yillik tarixidagi murakkab davr qiyinchiliklarini yengib oʻtib, katta mehnat gʻalabasiga erishdi.
Kirib kelayotgan yangi ‒ 2023 yilgi rejalarimiz yanada ulkan. Yoqilgʻi qazib olish va yetkazib berishning yangi marralari sari odimlaymiz. Hayotimizdagi yangi sahifa barchamizga quvonch va umid bagʻishlaydi.
Fursatdan foydalanib, koʻmir sanoati mehnat faxriylarini, korxonamiz jamoasi aʼzolarini va ularning oilasini kirib kelayotgan yangi – 2023 yil bilan aksiyadorlik jamiyatimiz maʼmuriyati nomidan tabriklayman.
Barchangizga mustahkam sogʻlik, shaxsiy baxt, muhabbat va quvonch, oilalarga moddiy farovonlik, tinchlik-xotirjamlik tilayman. Oʻylaymanki, yangi yilda yanada yangi va va yanada ulugʻvor marralarni birgalikda zabt etamiz.
Yangi − 2023 yilingiz muborak boʻlsin!
Vladimir KUZNETSOV,
«Oʻzbekkoʻmir» AJ bosh direktori
Oxirgi yangiliklar:
Pensiya ta’minoti tizimidagi yangiliklar muhokama qilindi
“O‘zbekko‘mir” AJda pensiya ta’minoti tizimini isloh qilishga qaratilgan Prezident farmoni loyihasining mazmun-mohiyatiga bag‘ishlangan o‘quv seminari o‘tkazildi....
O'qish
Ko‘mir bor joyda tabiatga ham e’tibor bor
Bilamizki, bir tonna ko‘mir faqat energiya manbaigina emas. U tabiat oldidagi mas’uliyatni ham anglatadi. Uni qazib olish, saralash, tashish va saqlashning har bir b...
O'qish
Kuz-qish mavsumi: favqulodda vaziyatlarga tayyorgarlik kuchaytirilmoqda
Kuz-qish mavsumiga tayyorgarlik ko‘rish, favqulodda vaziyatlarning oldini olish va energetika sohasi ob’ektlarining mavsumiy barqarorligini ta’minlash maqsadida...
O'qish
Ish jarayonida ham sportga hamisha vaqt topiladi
Korxonamizda xodimlarning bo‘sh vaqtlarini mazmunli o‘tkazishi, jismoniy faolligini oshirishi va sog‘lom turmush tarziga amal qilishi uchun barcha zarur sharoitlar y...
O'qish