Ёлғон ахборот тарқатишдан ким манфаатдор
Nashr qilingan sana: 11.11.2022 09:58:24Кеча, 10 ноябрь куни эрталаб “Ўзбеккўмир” АЖнинг телеграмдаги ботига Хоразм вилояти Боғот туманидаги кўмир омборида аҳолига мўлжалланган ёқилғи маҳсулотига тупроқ қўшиб сотилаётгани айтилган видеолавҳа келиб тушди.
Аҳолига кўмирнинг тупроқ аралаштириб сотилиши, устига-устак ушбу ҳолат куппа-кундузи, одамлар кўз ўнгида содир этилиши ақлга сиғмайди, албатта.
“Ўзбеккўмир” АЖ ахборот хизмати видеолавҳани жўнатган муаллиф билан боғланиб, тасвирдаги кўмир омбори манзилини аниқлади ва ҳолат тезкор ўрганилиши, далиллар тасдиқланса, айбдорларга нисбатан кескин чоралар кўрилиши ҳақида хабар юборилди.
Аммо, кечга яқин, ўрганиш жараёни ҳали ниҳоясига етмай туриб, ушбу танқидий видеолавҳа ижтимоий тармоқда эълон қилиб юборилди. Ана халос!
Видеолавҳа муаллифининг мақсади нима, аҳолининг қиш мавсумини қийналмай ўтказишга кўмаклашишми ё кўмир таъминотчилари билан истеъмолчилар ўртасида сунъий зиддият келтириб чиқариб, сохта обрў орттиришми?
Афсуски, ўрганиш натижаларига кўра, видеолавҳадаги далиллар тасдиғини топмади.
Лавҳа тасвирга олинган 1 ноябрь куни автомашиналар навбатсиз киришининг олдини олиш мақсадида кўмир омборининг иккинчи йўлагида техника орқали тупроқ уюми билан тўсиқ қўйиш ишлари бажарилган. Ўша пайтда, яъни кеч соат 17:00 лар атрофида кўмир омборига келган Боғот тумани Боғзор туманида яшовчи фуқаролар - У.Абдиримов ва М.Пирназаров омборга яқинлашган пайтда бульдозер техникаси тупроқ сураётганига кўзлари тушиб, ушбу тупроқ омборда уюлиб турган кўмирга қўшиб юборилаётганида гумон қилишган ва ҳолатни тасвирга туширишган.
Видеолавҳа 9 ноябрь куни маҳаллий телеграм гуруҳига жойлаштирилиб, аҳоли ўртасида кўмир омбори тўғрисида салбий муносабат шаклланишини келтириб чиқарган. (https://t.me/Kompromatuzb/5489?single)Kompromatuzb телеграм канали эса ушбу видеолавҳадаги ҳолатнинг ҳақиқатга нечоғлик мос келишини ўрганмай, шошма-шошарлик билан кенг оммага эълон қилиб юборган.
Айни пайтда ёлғон видеоахборот тарқатганлик ҳолати бўйича ҳуқуқни муҳофаза қилиш идоралари томонидан терговга қадар суриштирув ишлари олиб борилмоқда.
“Ўзбеккўмир” АЖ Ахборот хизмати
Izohlar
LNlVOzpfPxAHRMWe
23.11.2022 01:28:43
IXZEULrlKcMmR
23.11.2022 01:28:38Oxirgi yangiliklar:
Mustaqilligining 34-yilligiga bag‘ishlangan tantanali bayram tadbiri bo‘lib o‘tdi
“O‘zbekko‘mir” aksiyadorlik jamiyatining “Tog‘-kon uskunalarini sozlash zavodi” hududida yurtimiz mustaqilligining 34-yilligiga bag‘ishlangan tantanali bayram tadbiri bo‘...
O'qish
"O'zbekko'mir" AJ "Tog'-kon uskunalarini sozlash zavodi"da kitob yarmarkasi tashkil etildi
Bugun, 2025-yil 21-avgust kuni, oldindan e’lon qilinganidek, "O‘zbekkomir" aksiyadorlik jamiyatining "Tog‘-kon uskunalarini sozlash zavodi" hududida kitob yarmarkasi bo‘l...
O'qish
Bu yil banklar tadbirkorlik loyihalari uchun 6 milliard dollar resurs olib kelmoqda
Banklar kelgusi yilda aynan kichik va o‘rta tadbirkorlikni maqsadli qo‘llab-quvvatlash uchun qulay shartlarda alohida 1 milliard dollar resurs jalb qiladi. Shuningdek,...
O'qish
Bugun Prezident Shavkat Mirziyoyev tadbirkorlar bilan ochiq muloqot o‘tkazadi
Prezidentning tadbirkorlar bilan ochiq muloqot shaklidagi ilk uchrashuvi 2021 yil 20 avgustida o‘tkazilgan edi. O‘sha uchrashuvda davlatimiz rahbari bunday tadbirni har y...
O'qish