“Ўзбеккўмир” акциядорлик жамиятида “Жаҳолатга қарши − маърифат билан” мавзусида маънавий-маърифий тадбир ташкил этилди.

Жамият таркибий бўлинмалари раҳбар-мутахассислари иштирок этган тадбирда таниқли сиёсий шарҳловчи Қуддус Аъзамов жаҳон ҳамжамиятида, хусусан, Марказий Осиёда ҳукм сураётган вазият хусусида атрофлича сўзлаб берди.
Таъкидландики, сўнгги йилларида мамлакатимизда амалга оширилаётган ислоҳотлар ўзининг яхши самарасини бермоқда. Хусусан “Темир дафтар”, “Аёллар дафтари” ва “Ёшлар дафтари”га киритилган фуқароларнинг кучли ижтимоий ҳимояга олинган. Банд бўлмаган аҳоли, айниқса ёшларни иш билан таъминлаш, тадбиркорлик билан шуғулланиши учун шароитлар яратиб бериш борасида қатор давлат дастурлари муваффақиятли амалга оширилмоқда.
Тадбирда сўзга ичққанлар инсон қадри улуғланаётган жаннатмакон юртда шукроналик туйғуси билан яшашимиз, дунёда, ён-атрофимизда кечаётган жараёнларга уйғоқ нигоҳ ташлаб, тинч ва фаровон ҳаётимиз қадрига етишимиз зарурлигини алоҳида таъкидладилар.
Тадбирда унинг иштирокчилари мавзу юзасидан ўзларини қизиқтирган саволларга атрофлича жавоблар олдилар.