Prezidentimiz Shavkat Mirziyoyev raisligida joriy kuz-qish mavsumiga tayyorgarlik masalalariga bag‘ishlab o‘tkazilgan videoselektor yig‘ilishida berilgan topshiriqlar ijrosi  yuzasidan Transport prokuraturasi tomonidan “O‘zbekko‘mir” AJda amalga oshirilayotgan ishlar ahvoli o‘rganildi.

Transport prokurori I.Narimov boshchiligidagi jarayonda “O‘zbekko‘mir” AJ, “Ko‘mir ta’minot” MChJ, “O‘zbekiston temir yo‘llari” AJ, Transport departamenti va boshqa mutasaddi mas’ul xodimlar ishtirokida mavjud muammolar aniqlanib, kuz-qish mavsumi uchun ko‘mir yoqilg‘isini aholi va budjet tashkilotlariga o‘z vaqtida, to‘liq va sifatli yetkazib berish choralari ko‘rildi.  (https://t.me/uzbprokuratura/48917)

Shuningdek, vagonlarga bo‘lgan ehtiyojini ta’minlash, ko‘mir ortilgan vagonlar harakatini jadallashtirish uchun qo‘shimcha lokomotiv (elektrovoz)lar jalb etish hamda xavfsizlikni ta’minlash va talon-toroj holatlariga chek qo‘yishga alohida e’tibor qaratish bo‘yicha ko‘rsatmalar berildi.