Hurmatli konchilar!

Qadrli kasaba uyushmalari faollari!

Bugun yurtimizda, shu jumladan aksiyadorlik jamiyatimizda bayram shukuhi kezib yuribdi. Yakshanba kuni O‘zbekiston konchilik va metallurgiya sanoati xodimlari kuni. Shu munosabat bilan barchangizni ushbu ayyom bilan qizg‘in muborakbod etaman.

Mamlakatimiz tabiiy xomashyo resurslari, xususan yer osti qazilmalariga boy va zahmatkash konchilarning mashaqqatli mehnati evaziga ular omilkorlik bilan qazib olinib, Vatan ravnaqi, el farovonligi yo‘lida sarflanmoqda.Bu borada Siz ko‘mir sanoati xodimlarining ham hissasi beqiyosdir.

Jamiyatimizda ko‘mir qazib olish va iste’molchilarga yetkazib berish hajmlari yil sayin ortib bormoqda. Aynni paytda soha xodimlarining unumli mehnat qilishi va mazmunli xordiq chiqarishi uchun zarur sharoitlar yaratilgan va yaratilmoqda.

Kasaba uyushmalari Siz aziz konchilarning mashaqqatli mehnatini hamisha yuksak qadrlaydi va har tomonlama qo‘llab-quvvatlaydi.

Sizni an’anaviy kasb bayrami - O‘zbekiston konchilik va metallurgiya sanoati xodimlari kuni bilan yana bir bor qizg‘in tabriklayman. Barchangizga mustahkam sog‘liq, oilangizga tinchlik-xotirjamlik tilayman. Mashaqqatli va sharafli ishlaringizda hamisha muvaffaqiyatlar yor bo‘lsin.

       Abdumosir Qayumov,
      Birlashgan kasaba uyushma qo‘mitasi raisi