Mudofaa vazirligiga qarashli Chirchiq umumqoʻshin dala maydonida davlat boshqaruvi organlari, mahalliy davlat hokimiyati organlari, xoʻjalik birlashmalari va boshqa tashkilotlar rahbarlari ishtirokida yigʻin o'tkazilmoqdi.

Yigʻin davomida qatnashchilar qoʻshinlarning kundalik faoliyati bilan tanishadi, ular mamlakat mudofaasini tashkillashtirish doirasida yuklatilgan vazifalar bajarilishining samaradorligini oshirish uchun harbiy xizmat muhitiga tushiriladi.

Mazkur yigʻin orqali davlat hokimiyati organlari rahbarlarini jangovar tayyorgarlik fanlari boʻyicha nazariy va amaliy mashgʻulotlarni oʻtkazish yoʻli bilan avval olingan harbiy koʻnikmalarini qayta tiklash va takomillashtirish, shuningdek, hududiy mudofaa va fuqarolarni himoya qilishni oʻrganish, maʼnaviy-axloqiy va maʼnaviy-ruhiy sifatlarini rivojlantirish, davlat harbiy qurilish ishlarida olib borilayotgan islohotlar bilan tanishtirish, daxldorlik hislarini oshirish maqsad qilingan.

6-10-noyabr kunlari bo'lib o'tgan yigʻinda "O'zbekko'mir" AJ vakili O'tkir Inoyatov mashg'ulotlarning birinchi kunida belgilangan punktiga yetib borib, barcha korxonalar qatorida tibbiy koʻrikdan oʻtkazildi, ularga kiyim-kechak va anjom-aslahalar topshirildi va ishtirokchilar harbiy-hisob mutaxassisligi boʻyicha guruhlarga taqsimlandi.

Taʼkidlash kerakki, 18-noyabrga qadar davom etadigan yigʻin davomida davlat boshqaruvi organlari rahbarlari jahon va mintaqadagi harbiy-siyosiy vaziyat boʻyicha tahliliy maʼlumotlar, Qurolli Kuchlarni rivojlantirishda harbiy-maʼmuriy sektorlarning roli bilan tanishadi.

Shuningdek, yigʻin ishtirokchilari aloqa, taktik-tibbiy, harbiy sport hamda otish tayyorgarliklaridan oʻtib, oʻzlarining bilim va koʻnikmalarini yanada mustahkamlaydi. Operativ, safarbarlik, axloqiy-ruhiy, taktik tayyorgarliklardan oʻtish orqali zamonaviy armiyamizda olib borilayotgan islohotlardan atroflicha boxabar boʻlishadi.