Prezident tomonidan 12.06.2023 yildagi "Oʻzbekiston Respublikasi Prezidentining 2023 yil 10 apreldagi Ijtimoiy soha obyektlarining isitish tizimlarini davlat-xususiy sheriklik asosida modernizatsiya qilish toʻgʻrisida"gi PQ-118-son qaroriga oʻzgartirish va qoʻshimchalar kiritish haqida"gi PQ-185-son Qaror imzolandi.
 

Hujjatga muvofiq:

xususiy sheriklar tomonidan koʻmir mahsulotlari zaxirasini yaratishga byudjetdan rejalashtirilgan mablagʻlar doirasida oldindan 50 foizgacha boʻnak mablagʻlari moliyalashtiriladi, qolgan mablagʻlar 1 sentyabrga qadar moliyalashtiriladi;
mahalliy isitish qozonlari ishlab chiqaruvchilarga Oʻzbekiston Respublikasi hududiga xomashyo va ehtiyot qismlarini olib kirishda QQSni soligʻini 6 oy muddatga foizlar hisoblanmagan holda boʻlib-boʻlib toʻlash huquqi berilmoqda;
Qoraqalpogʻiston Respublikasining olis hududlaridagi obyektlar boʻyicha xususiy sheriklarning ulushi kamida 30 foizni (boshqa hududlar uchun 50 foizni) tashkil etishi kerak.
 
Maʼlumot uchun: ijtimoiy soha obyektlaridagi isitish tizimlarining kuz-qish mavsumida barqaror ishlashini taʼminlash maqsadida  respublika hududlaridagi davlat ijtimoiy soha obyektlari davlat-xususiy sheriklik loyihalari doirasida koʻmir yoqilgʻisiga oʻtkazish haqida qaror qabul qilingan edi.

Hujjat Qonun hujjatlari maʼlumotlari milliy bazasida eʼlon qilingan va 13.06.2023 yildan kuchga kirgan.

Манбаа: www.norma.uz
https://www.norma.uz/qonunchilikda_yangi/davlat_obektlarini_kumir_eqilgisiga_utkazishda_dhsh_qanday_qullab-quvvatlanadi