Iqtisodiyotning muayyan tarmoqlarida, shuningdek, tabiiy gaz bilan ta’minlanmagan hududlarda ko‘mirdan foydalanish ancha qulay. O‘zbekiston esa yer osti qazilmalariga boy bo‘lib, ko‘mir asosan respublikamizning Surxondaryo va Toshkent viloyatlarida ko‘mir qazib olinadi. Toshkent viloyatining Angren  havzasidan qazib olinayotgan qo‘ng‘ir ko‘mir toshko‘mirga qaraganda oson cho‘g‘lanishi, va boshqa xususiyatlari bilan aholi iste’molchilari talabiga mos tushadi.

Ayni kunlarda joriy kuz-qish mavsumi uchun aholi iste’molchilarini  ko‘mir bilan ta’minlash ishlari jadal davom etmoqda. Qayt etish kerak, arzonlashtirilgan mahalliy ko‘mirning yetkazib berilishi ko‘pchilik aholi iste’molchilarini mamnun etayotgani haqida xabarlar kelib turibdi. Shu bilan birga ijtimoiy tarmoqlarda ko‘mir sifati va tarqatish bilan bog‘liq tanqidiy chiqishlar ham kuzatilmoqda. 

Ushbu tanqidiy chiqishlarning aksariyati  jamoatchilik o‘rtasida ko‘mirni qazib olish va tarqatish tartiblari, shuningdek mahsulotning  sifat ko‘rsatkichlari  haqida jamoatchilik o‘rtasida yetarli tushuncha mavjud emasligidan kelib chiqmoqda.

O‘zbekistonda qazib olinadigan ko‘mirning 85 foizi “Angren” ko‘mir havzasi hissasiga to‘g‘ri keladi. Xo‘sh, Angren konlarida ko‘mir qanday qazib olinmoqda, uning sifati qay darajada? Aholiga mo‘ljallangan ko‘mir mahsulotini qaerdan va qay tartibda olish mumkin? Xarid qilingan ko‘mir qanday saqlash kerak?

“O‘zbekko‘mir” AJ Axborot xizmati tomonidan tayyorlangan videorolikda ana shu savollarga batafsil javob olishingiz mumkin:

https://www.youtube.com/watch?v=Z1RS4WTYp1Q