25-aprel kuni “Mehnat muhofazasi va xavfsizligi bo‘yicha jamoatchilik nazoratini tashkil etish yuzasidan respublika ko‘rik-tanlovi”ning viloyat bosqichi bo‘lib o‘tdi.

O‘zbekiston kasaba uyushmalari Federatsiyasi tashkilotchiligida Chirchiq shahridagi “Kimyogar” madaniyat saroyida tashkil etilgan talovda “O‘zbekko‘mir” AJ vakillari muvaffaqiyatli ishtirok etib faxrli o‘rinlarni qo‘lga kiritdilar. Jumladan, “Eng yaxshi kasaba uyushmasi” nominatsiyasida “ATT” filiali (raisi R.Ahmataliev) 1-o‘rinni egalladi. “Mehnatni muhofaza qilish bo‘yicha eng yaxshi tashkilot” nominatsiyasida ham “ATT” filialiga (S.Shamirov)ga (2-o‘rin) nasib etdi.
Shuningdek, “Eng yaxshi mehnat muhofazasi vakillari” nominatsiyasida I. Alyoshin (“TYT” filiali),  Z.Hamzaev (“Angren ko‘mir koni” filiali), “Eng yaxshi yosh mutaxassis” nominatsiyasida I.Abdumannopov (“Angren ko‘mir koni” filiali) faxrli 3-o‘ringa sazovor bo‘ldi.

G‘oliblar Federatsiyaning Toshkent viloyati Kengashi tomonidan diplom va sovg‘alar bilan taqdirlandilar. 

Umumjamoa hisobida “O‘zbekko‘mir” aksiyadorlik jamiyati ko‘rik-tanlovning viloyat bosqichida sharafli 1-o‘rinni egalladi.