Ushbu uchastka “Avtomobil texnologik transporti” filiali hududida joylashgan bo‘lib, bu yerda mashinasozlik syexi faoliyat ko‘rsatadi. Syexda ish yo‘sini huddi Tog‘-kon uskunalarini sozlash zavodinikiga o‘xshaydi: tog‘-kon va transport uskunalarini tiklash va ta’mirlash ishlari olib boriladi. Bu yerda ekskavator parki, nasos, drenaj, konveyer va kompressor qurilmalari, tormoz tizimi uchun mas’ul bo‘lgan pnevmatik tarqatish moslamalari – ta’mirlash va texnik xizmat ko‘rsatish uchun yetkazib beriladigan barcha jihozlarni hisoblab bo‘lmaydi. Payvandlash, metallga ishlov berish, tokarlik va hatto temirchilik ishlari kechayu kunduz tinmaydi. Ustalar zarur paytda ehtiyot qismlar ham ishlab chiqaradilar.

Uchastkada yuzga yaqin kishi mehnat qiladi, ulardan juda oz qismi ayollardir. Qizilgul Saidqulova, Dilfuza Sulaymonova, Gulchehra Abdullayeva va Dilnoza Mirzanarovalar ustaxonaning ulkan shifti ostida deraza oynalari qaltiraydigan ko‘prikli kran mashinisti bo‘lib ishlashadi. Ular ustaxonada ekskavatorning og‘ir qismlarini, hattoki ulkan torna va frezerlarni ham bir joydan ikkinchi joyga ko‘chirib beradilar. Qizilgul Saidqulova, Dilfuza Sulaymonova, Gulchehra Abdullayevalar syexda ishlayotganiga o‘ttiz yildan ortib ketdi.

 Texnik agregatlar uchun ehtiyot qismlar ishlab chiqarish jarayonida tokarlar Nuriddin Janibekov, O‘tkir To‘ychiyev, Farruh Husanov va Shavkat Qarshiyevlarning xizmatlari beqiyos. Ular o‘z dastgohlarida haqiqiy “san’at asarlari” yaratadilar. 

 Bu yerda temirchilik ham juda zarur kasb sanaladi. Rustam Shermatov va Ravshan Mirzamiddinovlar ana shunday noyob kasb egalaridir. Rustam Shermatov qirq yildan ortiq vaqtdan buyon ustaxonasida mehnat qilib, jon va vujudini olovli hunarga bag‘ishlab kelmoqda. Umuman, syex ustalarining aksariyati ko‘p yiliik ish staji va tajribaga ega. Eng keksa ustalar navbatchi chilangar Gʻulom ota Anarqulov hamda gazelektr payvandchilar Gennadiy Rahmanov va Oleg Vasilevlardir. Uchastka boshlig‘i syex bilan bizni tanishtirar ekan, navbatchilik, tog‘-kon uskunalarini ta’mirlash, kompressor agregatlari mexaniklari Botirali O‘runboyev, Bahodir Xolboyev, Jamoliddin Rahmatullayev, Sadriddin Mardonov, Shavkatali Abdalimov, ular bilan yonma-yon Bahodir Sobirov, Bahrom Ibrohimov, Baxtiyor Abdullayev, Orifjon Usmonov va boshqa ko‘plab yoshlar sidqidildan mehnatlarini  ham alohida ta’kidlab o‘tdi. 

 Nasos agregati mashinisti Sanobar Ergasheva qirq yil mehnat qilib, yoshlarga kasb asoslarini sabot bilan o‘rgatdi. Hozir u bilan Abdurahim Hasanov, Hasan Pazilov, Dilnoza Rahmanova, Firuza Maqsudovalar hamkorlikda ishlamoqda.

 Payvandchilar Nazirjon Dadaboyev, Toshpo‘lat Zairov, O‘tkir Qodirovlar yoshi kichikroq bo‘lsa-da, katta o‘rtoqlaridan ko‘p narsani o‘rganib ulgurgan. Rustam Nabiyev va Adamali Boborahimovlar dizel operatorlaridir. Ushbu dizel (quyosh) payvandlash moslamasi yordamida usta payvandchilar ulkan ustaxona darvozalarini yasadilar. Endi elektr tugmachasini yengil bosish bilan darvozalar chapga va o‘ngga harakatlanadi. Akram Holdibekovning aytishicha,  eski qo‘shaloq darvozalar doimiy ravishda qulab tushaverib noqulaylik va xavfli vaziyatlarni yuzaga keltirgan.

 – Biz shunday yashayapmiz va ishlaymiz, – dedi uchastka faoliyati bilan tanishuv yakunida Akram Abdusaidovich, – jamoamiz ahil va inoq. Hamma narsadan mamnunman, deya olmayman, lekin men qo‘l ostimda ishlayotgan xodimlarimning mehnatsevarligidan faxrlanaman.

Diana Andreyeva.