Tezkor ma’lumotlarga ko‘ra, iyun oyida 445,0 ming tonna o‘rniga 485,2 ming tonna ko‘mir qazib olingan. Bu  rejadagidan40,2 ming tonna ko‘p bo‘lib (109,2 %) o‘sish sur’ati o‘tgan yilning shu davriga nisbatan 118,2 foizni tashkil etdi.
 

Jamiyatda ko‘mir qazib olish rejasi “Angren” koni bo‘yicha 104,4, “Apartak” koni bo‘yicha 118,5 foizni, shaxta usulida 115,8 foizga oshirib uddalandi. 

Oy davomida 1 907,2 ming kubometr hajmida kon ochish ishlari bajarildi va bu boradagi oylik reja 98,6 foizga teng bo‘ldi. 

Qayd etish kerak, iyun oyida kon ochish ishlaridagi qoloqlikka barham berish tendensiyasi kuzatilishda davom etdi. Yil boshidan olib qaralganda, reja 102,0 foizga uddalanib, o‘sish sur’ati o‘tgan yildagiga nisbatan 133,2 foizni tashkil etgan.

Iyun oyi mobaynida iste’molchilarga  465,9 ming tonna ko‘mir yuklab yuborildi. Bu rejaga nisbatan 168,9 foizga tengdir.  

Yuklab yuborilgan mahsulotning 339,0 ming tonnasi issiqlik elektr stansiyalariga, 106,4 ming tonnasi respublika byudjet tashkilotlari hissasiga to‘g‘ri keladi. Birja savdolari uchun 20,5 ming tonna ko‘mir yetkazib berildi.

Iyun oyida jamiyatda kaolin qazib olish rejadagi 65,0 ming tonna o‘rniga 26,9, ming tonnani, kaolin yuklash 65,0 ming tonna o‘rniga 54,1 ming tonnani tashkil etdi.

“O‘zbekko‘mir” AJ Axborot xizmati