“O‘zbekko‘mir” AJ Boshqaruv apparatida ijro intizomi yagona elektron tizimi – “edo.ijro.uz” platformasi  taqdimoti o‘tkazildi.

Aksiyadorlik jamiyati Axborot kommunikatsion texnologiyalar xizmati tomonidan tashkilotlararo hujjatlar aylanuvi dasturiy ta’minoti ishlab chiqaruvchi UNICON-SOFT kompaniyasi bilan hamkorlikda tashkil etilgan tadbirda  ijro apparati  devonxonasi, bo‘lim va boshqarmalari, xizmatlari hamda filiallarning hujjatlar bilan ishlovchi xodimlari ishtirok etdi.

O‘zbekiston Respublikasi Prezidentining “Raqamli xizmatlar qamrovi va sifatini oshirish hamda soha, tarmoq va hududlarni raqamli transformatsiya qilish chora-tadbirlari” to‘g‘risida” 2023 yil 4 maydagi qarori ijrosini ta’minlash maqsadida hujjatlar bilan ishlovchi xodimlarning ijro intizomi yagona elektron tizimida ishlash bo‘yicha malakasini oshirishga qaratilgan mazkur tadbirda UNICON-SOFT kompaniyasining Angren shahridagi vakili Diyor Komilov “edo.ijro.uz” tizimi, unda yo‘lga qo‘yilgan yangi jarayonlar haqida keng  tushuntirish berib o‘tdi. Ayni paytda tizimda ishlashning afzalliklari haqida so‘z yuritdi. 

Qayd etildiki, ushbu platforma hujjatlar bilan ishlash ortiqcha qog‘ozbozlikning oldini oladi, zamonaviy texnologiyalardan foydalanish hisobiga ish esa samaradorligi esa keskin oshadi. Masalan, davlat organlari va tashkilotlari rahbarlari hujjatni imzolashi uchun safardan yoki boshqa tadbirdan ofisga kelib o‘tirmaydi. Aksincha, tizimga istalgan joydan yoki mobil telefonlaridan kirib, elektron raqamli imzo orqali tasdiqlaydi.

Tadbir ishtirokchilari «edo.ijro.uz» platformasi, ushbu tizimda samarali ish olib borish bo‘yicha o‘zlarini qiziqtirgan savollarga atroflicha javoblar oldilar.