“Qog‘ozsiz bir kun” eko-aksiyasida faol ishtirok eting!
Nashr qilingan sana: 23.10.2024 01:45:43#Eko-aksiya
Mamlakatimiz bo‘ylab 25-oktabrda “Qog‘ozsiz bir kun” respublika eko-aksiyasi o‘tkaziladi.
Ushbu tadbir har qanday tashkilotning yuragi hisoblanadigan devonxonalarga g‘oyatda aloqadorligi jihatidan o‘ta muhimdir. Zero, biz aynan hujjatlar bilan ishlaymiz va yozishmalarni qabul qilish, ro‘yxatga olish, hisobini yuritish, taqsimlash va jo‘natish ishlarini amalga oshirib kelamiz. Bunda hujjatlarning qog‘oz shaklidan ham foydalaniladi. Ayni paytda elektron dasturda hujjatlar hisobi bo‘yicha yagona ma’lumotlar bazasini ham yuritamiz. To‘rt nafar xodim ishlaydigan devonxonamizda qonunchilikka muvofiq boshqa funksiyalar ham bajariladi.
Texnologiyaning rivojlanishi bilan devonxonamiz funksiyalari sezilarli o‘zgarishlarga duch kelmoqda. Jarayonlarni avtomatlashtirish, elektron hujjat aylanishini joriy etish va maxsus dasturiy ta’minotdan foydalanish xodimlar mehnatini sezilarli darajada soddalashtirmoqda. Hozirda kerakli hujjatlarni tezda topish va ularni hamkasblarimizga oson yuborish, topshiriqlarning bajarilishi holatini kuzatish mumkin.
O‘zbekiston Respublikasi Vazirlar Mahkamasining “Respublikada qog'ozni tejash va undan oqilona foydalanishga doir qo'shimcha chora-tadbirlar to'g'risida” 2010-yil 22-iyuldagi 155-son qarori asosida o‘tkazilayotgan “Qog‘ozsiz bir kun” eko-aksiyasidan maqsad daraxtlarni asrab-avaylash, ulardan ishlab chiqarilayotgan qog‘ozlar sonini kamaytirish, mebel jihozlarini yasashda qayta ishlangan xom ashyolardan keng foydalanishni targ‘ib etishdan iboratdir. Aksiyani tashkil etish va o‘tkazish uchun mablag‘ talab etilmaydi.
Fursatdan foydalanib, biz barchani, ayniqsa hujjatlar bilan ishlaydigan xodimlarni eko-aksiyada faol ishtirok etishga chaqiramiz.
Dilshodbek Ziyayev,
“O‘zbekko‘mir” AJ ijro apparati devonxona mudiri
Izohlar
Bozorov Shuhratjon Maxmudjonovich
29.10.2024 02:36:41Oxirgi yangiliklar:
Axborot xizmati maydonida ‒ ochiqlik va tajriba almashinuvi
Joriy yilning 30-iyun ‒ 2 iyul kunlari “Axborot xizmatlari faoliyati: ochiqlik, tezkorlik va xolislik bosh mezon” mavzusida V milliy konferensiya bo‘lib o‘tdi. Axb...
O'qish
"O'zbekko‘mir" AJ Yoshlar ittifoqi Yetakchilari Kengashi raisi D. Abdurahmonovning bayram tabrigi
Aziz va g‘ayratli yoshlar! Sizlarni har yili nishonlanadigan bayram — Yoshlar kuni munosabati bilan samimiy tabriklayman! Yurtimiz kelajagi bo‘lmish siz aziz yoshla...
O'qish
Davlatimiz rahbari butun O‘zbekiston yoshlarini qutlug‘ ayyom – Yoshlar kuni bilan samimiy muborakbod etdi
“Keyingi yillarda iqtisodiyotimiz tez sur’atlar bilan o‘sib, barcha sohalarda imkoniyatlarimiz ortib borayotganida, hech shubhasiz, siz yoshlarning ham munosib hissan...
O'qish
"Oʻzbekkoʻmir" AJ Birlashgan kasaba uyushmasi qoʻmitasi raisi A. Qayumovning bayram tabrigi
30-Iyun – Yoshlar kuni bilan tabriklaymiz! Hurmatli “O‘zbekko‘mir” aksiyadorlik jamiyatining fidoyi, g‘ayratli va izlanuvchan yoshlari! Sizlarni 30-iyun — Yoshlar k...
O'qish