"Shaxta usulida ko‘mir qazib olish" filialida korrupsiyaviy holatlarning oldini olish mavzusiga bag‘ishlangan targ‘ibot tadbiri tashkil etildi.

Filial rahbari J.Mutalipov olib borgan tadbirda bosh muhandisi J.Alimkulov hamda muhandis-texnik xodimlar ishtirok etdilar.

Taʼkidlandiki, korrupsiya – xavfli illat. Unga qarshi kurashish barchaning ishidir. So‘zga chiqqanlar o‘zlarining ko‘p yillik hayotiy tajribalari asosida bo‘limlarda faoliyat olib borayotgan ishchi-xodimlar va hamkasblariga korrupsiya va uning ayanchli oqibatlari haqida so‘zlab, ogoh bo‘lishga, poraxo‘rlik, tanish-bilishchilik, tamagirlik, manfaatlar to‘qnashuvi holatlariga murosasiz bo‘lish, bunday salbiy holatlar kuzatilsa, darhol xabar berish barchaning burchi ekanligini, jamoada sog‘lom muhitni shaklantirish uchun bir yoqadan bosh chiqarib harakat qilish zarurligini alohida taʼkidladilar.

Korrupsiyaga qarshi kurashishda yoshlar ayniqsa faollik ko‘rsatishi, targ‘ibot ishlarini kuchaytirish lozimligi uqdirib o‘tildi.

Z.Mirashurov,

filial yoshlar yetakchisi

https://t.me/uzbekcoaluz