Жиззах вилояти аҳолисига режага қўшимча 1 минг 491 тонна кўмир тарқатилди
Nashr qilingan sana: 15.02.2022 09:36:55Айни кунларда жорий куз-қиш мавсуми учун республика аҳолисига қўшича кўмир етказиб бериш ишлари давом этмоқда. Бу борада Жиззат вилоятида аҳвол қандай?
«Кўмир таъминот» МЧЖ Жиззах вилоят филиали раҳбари М.Ҳурамов «Ўзбеккўмир » АЖ ахборот хизматига бу ҳақида қуйидаги маълумотларни берди:
Жиззах вилояти ҳокимлиги томонидан тасдиқланган 2021-2022 йиллар куз-қиш мавсуми режасига асосан «Кўмир таъминот» МЧЖ Жиззах вилоят филиали томонидан жами 29 минг 940 тонна, шундан ижтимоий соҳа объектларига 16 минг 40 тонна, вилоят аҳолиси учун 13 минг 900 тонна кўмир маҳсулоти етказиб берилиши режалаштирилган эди. Бугунги кунда ушбу режа 100 фоизга тўлиқ бажарилди.
Вазирлар Маҳкамасининг 2021 йил 17 сентябрдаги 576- сон қарори ижроси доирасида вилоятнинг олис ва бориш қийин бўлган 16 қишлоқ (овул)ида яшовчи аҳолининг кўмир ёқилғисига бўлган талабини қондириш бўйича бир қанча ишлар амалга оширилди. Жумладан, ушбу ҳудудларда режадаги 1 минг 380 тонна кўмир заҳираси яратилди. Маҳаллий ҳокимликлар ҳамда «Кўмиртаъминот» МЧЖ Жиззах вилоят филиали маъсул ходимлари томонидан ушбу ҳудудларга кўмир маҳсулоти юк автотранспортларида етказиб берилди.
2021-2022 йиллар куз-қиш мавсуми режасига қўшимча равишда ижтимоий соҳа объектлари билан 5 минг 70 тонна кўмир маҳсулотига шартномалар тузилган. Шу кунгача вилоят аҳолисига улар эҳтиёжларидан келиб чиқиб, 6 минг 561 тонна кўмир ёқилғиси тарқатилди.
Oxirgi yangiliklar:
Pensiya ta’minoti tizimidagi yangiliklar muhokama qilindi
“O‘zbekko‘mir” AJda pensiya ta’minoti tizimini isloh qilishga qaratilgan Prezident farmoni loyihasining mazmun-mohiyatiga bag‘ishlangan o‘quv seminari o‘tkazildi....
O'qish
Ko‘mir bor joyda tabiatga ham e’tibor bor
Bilamizki, bir tonna ko‘mir faqat energiya manbaigina emas. U tabiat oldidagi mas’uliyatni ham anglatadi. Uni qazib olish, saralash, tashish va saqlashning har bir b...
O'qish
Kuz-qish mavsumi: favqulodda vaziyatlarga tayyorgarlik kuchaytirilmoqda
Kuz-qish mavsumiga tayyorgarlik ko‘rish, favqulodda vaziyatlarning oldini olish va energetika sohasi ob’ektlarining mavsumiy barqarorligini ta’minlash maqsadida...
O'qish
Ish jarayonida ham sportga hamisha vaqt topiladi
Korxonamizda xodimlarning bo‘sh vaqtlarini mazmunli o‘tkazishi, jismoniy faolligini oshirishi va sog‘lom turmush tarziga amal qilishi uchun barcha zarur sharoitlar y...
O'qish