Самарқандда бу йил ўтган йилгидан 40 минг тонна кўп кўмир тарқатилади
Nashr qilingan sana: 12.10.2022 10:46:33Самарқандда бу йил ўтган йилгидан 40 минг тонна кўп кўмир тарқатилади
“Кўмир таъминот” МЧЖ Самарқанд филиали томонидан ўтган йил куз-қиш мавсумида аҳолига 80 минг тонна кўмир тарқатиш режалаштирилиб, кейинчалик тушган буюртмалар асосида яна 30 минг тоннадан ортиқ маҳсулот етказиб берилган. Бу йил эса 123 минг тонна кўмир маҳсулотлари етказиб бериш кўзда тутилган.
"Ўзбеккўмир" АЖ томонидан Самарқанд вилояти ҳокимлиги ва "Кўмир таъминот" МЧЖ Самарқанд вилояти филиали билан ҳамкорликда ташкил этилган прес-тур доирасида ўтказилган матбуот анжуманида шу ҳақида маълумот берилди.
– Вазирлар Маҳкамасининг 2022 йил 24 февралдаги фармойишига асосан жорий йилнинг май-июнь ойларида вилоятдаги ижтимоий соҳа муассасаларига 46 минг 940 тонна кўмир маҳсулотлари етказиб берилди, – деди “Кўмир таъминот” МЧЖ Самарқанд филиали раҳбари Сайфиддин Жуманов. – Айни пайтда эса вилоятнинг газлаштирилмаган маҳаллаларида истиқомат қилувчи истеъмолчиларга темирйўл станцияларида жойлашган 8 та омбор ҳамда Қўшработ ва Ургут туманларидаги 4 та шохобча орқали кўмир тарқатилмоқда. Бунинг учун ҳокимликлар томонидан маҳаллалар кесимида рўйхат ва буюртмалар шакллантирилган.
Ангрендан келтирилаётган кўмир ана шу рўйхат асосида бир тоннаси 300 минг 300 сўмдан истеъмолчиларга сотилмоқда.
Жумладан, мавсумда Ургут тумани аҳолисига 37 минг тонна, Пастдарғом туманига 10 минг 940 тонна ва бошқа туманларга 500 тоннадан 10 минг тоннагача кўмир тарқатиш кўзда тутилган.
Бугунги кунгача аҳолига 43 минг 815 тонна кўмир маҳсулотлари тарқатилди.
Анжуманда "Ўзбеккўмир" АЖ матбуот котиби Неъмат Душаев корхона фаолияти, кўмир қазиб олиш ва етказиб бериш жараёнлари, Ангрен кўмир ҳавзасидан олинаётган маҳаллий қаттиқ ёқилғининг ўзига хос хусусусиятлари ҳақида атрофлича маълумот бериб, журналистларни қизиқтирган саволларга жавоб қайтарди.
Журналист ва блогерлар Самарқанд шаҳридаги Зарафшон кўмир омборида туманларга кўмир тарқатиш жараёнлари билан ҳам танишди.
Oxirgi yangiliklar:
“Mening kelajakdagi kasbim”: bitiruvçi yoşlar bilan uçraşuv ötkazildi
Davlatimiz rahbarining joriy yil 24-fevral kuni yoşlar bilan ötkazgan oçiq muloqotida belgilangan vazifalar va ilgari surilgan taşabbuslar ijrosini taʼminlaş maqsadida da...
O'qish
Barqaror rivojlaniş sari muhim qadam: “O‘zbekko‘mir” AJ ilk ESG hisobotini taqdim etdi
Bugun korxona faoliyatiga baho berişda faqat qança mahsulot işlab çiqarilgani yoki qança daromad olingani bilan çeklanilmaydi. Işlab çiqariş jarayonining atrof-muhitga ta...
O'qish
Oçiqlik − hisobdorlik va jamoat işonçi asosi
9 dekabr − Xalqaro korrupsiyaga qarşi kuraşiş kuni. Uşbu sana korrupsiyaning oldini olişda oçiqlik, şaffoflik va jamoatçilik nazoratining ahamiyatini yana bir bor eslatad...
O'qish
"O‘zbekko‘mir" AJning faol yoshlari Oliy Majlis faoliyati bilan tanishdilar
"O‘zbekko‘mir" AJning faol yoshlari Oliy Majlis faoliyati bilan tanishdilar "O‘zbekko‘mir" AJning bir guruh faol yoshlari O‘zbekiston Respublikasi Oliy Majlisiga...
O'qish