Jismoniy va yuridik shaxslarga xizmat ko‘rsatish markazi tashkil etildi
Nashr qilingan sana: 12.11.2025 09:51:51Har bir korxona va tashkilot faoliyatida fuqarolar va yuridik shaxslar bilan samarali va ochiq aloqa ta’minlash har doim ustuvor maqsadlardan biri hisoblanadi. “O‘zbekko‘mir” aksiyadorlik jamiyatida
bu boradagi ishlarni yanada kuchaytirish, murojaatchilarga yanada qulaylik yaratish maqsadida jismoniy va yuridik shaxslarga xizmat ko‘rsatish markazi tashkil etildi.
.jpg)
Markazning asosiy vazifasi – murojaatlarni qabul qilish, ularga tezkor va aniq izoh berish hamda zarur bo‘lsa, tegishli mutasaddilar bilan hamkorlik qilish orqali barcha masalalarni o‘z vaqtida hal
etishdan iborat.
Jamiyatning 2025-yil 4-avgustdagi “Jismoniy va yuridik shaxslarga xizmat ko‘rsatish markazini tashkil etish to‘g‘risida”gi 314-sonli buyrug‘i ijrosi doirasida faoliyati yo‘lga qo‘yilgan
Markaz Angren shahridagi jamiyatning asosiy ma’muriy binosining 1-qavatida joylashgan. Bu yerda fuqarolar va yuridik shaxslar uchun barcha qulayliklar yaratilgan, zarur anjomlar,
ko‘rgazmali targ‘ibot vositalari va bannerlar bilan jihozlangan.
.jpg)
Markazga qonunchilikda belgilangan ish vaqti – 09:30dan 17:00ga qadar (tushlik vaqti 13:00dan 14:00ga qadar) murojaat qilish mumkin. Shu davrda murojaatchilarga texnik, amaliy va
axborot xizmatlari ko‘rsatiladi. Jamiyat mas’ullaridan iborat ishchi guruh murojaatlarni qabul qilish, izoh berish va zarur bo‘lganda tegishli mutasaddilar bilan hamkorlik qilish orqali barcha masalalarni
o‘z vaqtida hal qiladi.
Markaz orqali fuqarolar va yuridik shaxslar bilan munosabatlarda ochiqlik va adolat ta’minlanadi, xizmatlarning sifat va samaradorligi oshiriladi. Shu tariqa, “O‘zbekko‘mir” AJda jamiyat bilan
murojaatchilar o‘rtasida ishonchli aloqa mustahkamlanadi va fuqarolarning talab va ehtiyojlariga yanada samarali javob beriladi.
“O‘zbekko‘mir” AJ Axborot xizmati
Oxirgi yangiliklar:
Shvetsiyaning Hexagon kompaniyasining vakillari bilan uchrashuv o'tkkazildi
Joriy yilning 7-aprel Shvetsiyaning Hexagon kompaniyasining Qozog‘istondagi vakili Alim Smakov jamiyatda uchrashuv o‘tkazdi. “O‘zbekko‘mir” AJ MDP binosida o‘tkazilgan...
O'qish
“Shuhrat” medali – fidoyi mehnat e’tirofi
Xabaringiz bor, O‘zbekiston Respublikasi Prezidentining “O‘zbekiston Respublikasi geologiya sohasi xodimlari kuni munosabati bilan soha xodimlaridan bir guruhini muko...
O'qish
Ko‘mir sanoati xodimlari mehnatining yuksak e’tirofi
O‘zbekiston Respublikasi Prezidentining Farmoni bilan O‘zbekiston Respublikasi geologiya sohasi xodimlari kuni munosabati bilan soha xodimlaridan bir guruhi Vatanimizning...
O'qish
Har bir murojaat nazoratda bo‘ladi
Mamlakatimizda aholi bilan ochiq va samarali muloqotni ta’minlash davlat siyosatining ustuvor yo‘nalishlaridan biriga aylanmoqda. O‘zbekiston Respublikasi Prezidentining...
O'qish