Ommaviy sport: sog‘lom jamoa – yuksak natijalar garovi
Nashr qilingan sana: 21.07.2026 17:52:24Bugungi kunda mamlakatimizda aholi, ayniqsa mehnat jamoalari o‘rtasida sog‘lom turmush tarzini keng qaror toptirish, jismoniy tarbiya va sportni ommalashtirish davlat siyosatining ustuvor yo‘nalishlaridan biri hisoblanadi. Bu borada qabul qilinayotgan huquqiy hujjatlar mehnat jamoalarida sport infratuzilmasini rivojlantirish, xodimlarni muntazam jismoniy faollikka jalb etish va ommaviy sport harakatini yangi bosqichga olib chiqishga xizmat qilmoqda.
Xususan, O‘zbekiston Respublikasi Prezidentining “Davlat organlari va tashkilotlari xodimlari o‘rtasida jismoniy tarbiya va sportni yanada rivojlantirish chora-tadbirlari to‘g‘risida” 2024-yil 4-dekabrdagi PQ–421-son qarori ijrosini ta’minlash doirasida “O‘zbekko‘mir” aksiyadorlik jamiyatida ham sog‘lom turmush tarzini targ‘ib qilish, ommaviy sportni rivojlantirish va iqtidorli sportchilarni qo‘llab-quvvatlashga qaratilgan tizimli ishlar amalga oshirilmoqda.
Qarorda belgilangan vazifalardan kelib chiqib, jamiyatda ommaviy sportni barqaror yo‘lga qo‘yish hamda xodimlarni muntazam jismoniy tarbiya va sport mashg‘ulotlariga jalb etish maqsadida futbol, voleybol va shaxmat yo‘nalishlari bo‘yicha uchta sport klubi tashkil etildi. Bugun ushbu klublar nafaqat sport bilan shug‘ullanish, balki jamoaviylik, intizom va o‘zaro hamjihatlikni mustahkamlashga xizmat qilayotgan muhim maydonga aylandi. Ular negizida jamiyat terma jamoalari shakllantirilib, turli musobaqalarga puxta tayyorgarlik ko‘rilmoqda.
Xodimlar o‘rtasida sog‘lom raqobat muhitini shakllantirish va jamoaviy sport turlarini yanada ommalashtirish maqsadida har yili kamida ikki marta an’anaviy “Rahbar kubogi” musobaqalari tashkil etiladi. Mazkur musobaqalarda g‘olib va sovrindor bo‘lgan jamoalar, shuningdek, o‘zining yuqori sport mahorati va faolligi bilan ajralib turgan xodimlar jamiyat rahbariyati tomonidan diplom, kubok, esdalik sovg‘alari hamda moddiy rag‘batlantirish bilan taqdirlanadi.
Jamiyatda sport bilan muntazam shug‘ullanish uchun barcha zarur sharoitlar yaratilgan. Zamonaviy sport zali to‘liq jihozlangan bo‘lib, xodimlarning ishdan bo‘sh vaqtlarida mashg‘ulot o‘tkazishlari uchun maxsus jadval tasdiqlangan. Unga muvofiq futbol, voleybol va shaxmat klublari a’zolari belgilangan vaqtlarda muntazam mashg‘ulotlar olib bormoqdalar.
Amalga oshirilayotgan ishlar ochiqlik va shaffoflik tamoyillari asosida keng yoritib borilmoqda. “Rahbar kubogi” musobaqalari, sport klublari mashg‘ulotlari, turli sport tadbirlari hamda g‘oliblarni taqdirlash marosimlari “O‘zbekko‘mir” AJning rasmiy veb-sa yti hamda Telegram, Facebook, Instagram va boshqa ijtimoiy tarmoqlardagi sahifalarida matnli, foto va videomateriallar orqali muntazam e’lon qilib kelinmoqda.
Sport inson salomatligining, mehnat unumdorligining va ahil jamoaning mustahkam poydevoridir. Shu bois kelgusida ham jamiyatimizda ommaviy sportni yanada rivojlantirish, har bir xodimning jismoniy faolligini oshirish va sog‘lom turmush tarzini hayot me’yoriga aylantirish ustuvor vazifalardan biri bo‘lib qolaveradi.
Muhriddin Abdullayev,
“O‘zbekko‘mir” AJ sport klubi raisi
Oxirgi yangiliklar:
“Mening kelajakdagi kasbim”: bitiruvçi yoşlar bilan uçraşuv ötkazildi
Davlatimiz rahbarining joriy yil 24-fevral kuni yoşlar bilan ötkazgan oçiq muloqotida belgilangan vazifalar va ilgari surilgan taşabbuslar ijrosini taʼminlaş maqsadida da...
O'qish
Barqaror rivojlaniş sari muhim qadam: “O‘zbekko‘mir” AJ ilk ESG hisobotini taqdim etdi
Bugun korxona faoliyatiga baho berişda faqat qança mahsulot işlab çiqarilgani yoki qança daromad olingani bilan çeklanilmaydi. Işlab çiqariş jarayonining atrof-muhitga ta...
O'qish
Oçiqlik − hisobdorlik va jamoat işonçi asosi
9 dekabr − Xalqaro korrupsiyaga qarşi kuraşiş kuni. Uşbu sana korrupsiyaning oldini olişda oçiqlik, şaffoflik va jamoatçilik nazoratining ahamiyatini yana bir bor eslatad...
O'qish
"O‘zbekko‘mir" AJning faol yoshlari Oliy Majlis faoliyati bilan tanishdilar
"O‘zbekko‘mir" AJning faol yoshlari Oliy Majlis faoliyati bilan tanishdilar "O‘zbekko‘mir" AJning bir guruh faol yoshlari O‘zbekiston Respublikasi Oliy Majlisiga...
O'qish