Oʻzbek tiliga davlat tili maqomi berilganining 34 yilligi hamda 21-oktabr – Oʻzbek tili bayrami kuni nishonlanmoqda

Bugun, 18-oktabr kuni o’zbek tiliga davlat tili maqomi berilgan kun arafasida korxonamizda ushbu bayram munosabati bilan tantanali tadbir tashkil etildi. Til har bir millatning ko‘zgusi, uning haqiqiy sarchashmasidir. Til bor ekan, millat barhayotdir. Tilni Onaga qiyoslanishi bejiz emas, inson o‘z onasini ko‘rmasdan, uning sof muhabbatini, mehrini tuymasdan yashay olishi mumkin emas.

Bu yil o‘zbek tiliga davlat tili maqomi berilganligiga 34 yil to‘ldi. Mana shu davr mobaynida o‘zbek tilining haqiqiy jozibasi, uning go‘zalligini dunyoga tanitish uchun qanday ishlar amalga oshirildi?

"O’zbekko’mir" AJning Qurilish-montaj ishlari filiali tadbirlar zalida tashkil etilgan ma’naviy-ma’rifiy tadbir ana shu dolzarb mavzuga bag‘ishlandi.

Unda O‘zbek tili nafis va musiqa ohangidek jozibadorligi, har birimiz davlat tiliga bo‘lgan e’tiborni mustaqillikka bo‘lgan e’tibor, davlat tiliga ehtirom va sadoqatni ona Vatanga ehtirom va sadoqat deb bilishimiz, shunday qarashni hayotimiz qoidasiga aylantirishimiz lozimligi ta’kidlandi.

Tadbirni "Oʻzbekkoʻmir" AJ Birlashgan kasaba uyushmalari qoʻmitasi raisi oʻrinbosari A. Sultonov kirish soʻzi bilan ochib berdi. Muqimiy nomidagi oʻzbek davlat musiqiy teatri artisti Qobilbek Umirov oʻzining badiiy chiqishlari bilan bayramona kayfiyat bagʻishladi. Bayram tadbiridan soʻng "Oʻzbekkonsert" davlat muassasasi sanʼatkorlari taqdim etadigan bayram konserti taqdim etildi.

Fursatdan foydalanib, ko'mir sanoati mehnatkashlarini bayram bilan samimiy muborakbod etamiz.