Rossiyada nashr etiladigan “Глобус: геология и бизнес” jurnalining 2026-yil  mart oyidagi sonida “Bizning ko‘mir salohiyatimiz” (“Nash ugolnыy potensial”) nomli maqola chop etildi. Ushbu material angrenlik jurnalist Dina Andreyeva qalamiga mansub bo‘lib, unda O‘zbekiston ko‘mir sanoati va “O‘zbekko‘mir” aksiyadorlik jamiyati faoliyati haqida atroflicha so‘z yuritilgan.

Maqolada mamlakatimizda ko‘mir sanoatini rivojlantirish, mavjud resurslardan samarali foydalanish va tarmoqni modernizatsiya qilish borasida amalga oshirilayotgan ishlar yoritiladi. Xususan, Angren ko‘mir koni negizida faoliyat yuritayotgan korxonalar, zamonaviy texnika va texnologiyalarni joriy etish, qazib olish hajmini oshirish hamda ichki bozorni mahalliy yoqilg‘i bilan ta’minlashga qaratilgan loyihalar haqida ma’lumotlar keltirilgan.

Shuningdek, maqolada mamlakatimizdagi ko‘mir zaxiralarining salohiyati, geologik qidiruv ishlari ahamiyati va sohani yanada rivojlantirishga qaratilgan istiqbolli rejalar ham tilga olingan. Muallif tarmoqda amalga oshirilayotgan islohotlar va ishlab chiqarishda qo‘llanilayotgan ilg‘or texnologiyalar misolida O‘zbekiston ko‘mir sanoatining xalqaro miqyosdagi imkoniyatlarini ochib bergan.

Xalqaro ixtisoslashgan nashrda chop etilgan mazkur material mamlakatimizda amalga oshirilayotgan islohotlar, shuningdek, “O‘zbekko‘mir” AJning tarmoqni rivojlantirish borasidagi sa’y-harakatlari xalqaro ekspertlar va soha mutaxassislari e’tiborini tortayotganini yana bir bor tasdiqlaydi.

Maqola bilan quyidagi havola orqali tanishish mumkin:

https://www.vnedra.ru/glavnaya-tema/nash-ugolnyj-potenczial-30580/ 

https://www.vnedra.ru/wp-content/uploads/2026/03/globus90-globus90.pdf   (140-bet)