Xalqaro jurnalda Angren konchilari faoliyati haqida keng maqola chop etildi
Nashr qilingan sana: 06.10.2026 13:30:52.jpg)
“O‘zbekko‘mir” AJ faoliyatining xalqaro va sohaviy ommaviy axborot vositalarida muntazam yoritib borilayotgani geologiya, konchilik va ko‘mir sanoati sohalarida amalga oshirilayotgan ishlarga xalqaro miqyosda qiziqish ortib borayotganidan dalolat beradi.
Navbatdagi ana shunday material Rossiyaning sohaviy nashrlaridan biri ‒ “Globus: geologiya i biznes” jurnalida e’lon qilindi. Maqola jurnalning 2026 yil oktabr oyidagi sonida chop etildi va uning elektro shaklif jurnali saytiga ham joylashtirildi.
Jurnalist Diana Andreeva qalamiga mansub “Konchi bo‘ldingmi, shu aminni sev!” (Nazvalsya gornyakom ‒ lyubi zemlyu!” sarlavhali maqolda O‘zbekistonning mineral-xomashyo salohiyati, mamlakatdagi ko‘mir sanoatining shakllanish tarixi, Angren ko‘mir havzining ahamiyati va bugungi kunda sohada amalga oshirilayotgan ishlar keng yoritilgan.
Materialda, xususan, “O‘zbekko‘mir” AJning “Angren ko‘mir koni” faoliyatiga alohida e’tibor qaratilgan. Angren ko‘mir havzasi O‘zbekiston ko‘mir sanoatining asosiy bazasi sifatida qayd etilib, korxonadagi ishlab chiqarish jarayonlari, geologik va marksheyderlik ishlari, gidrotexnik xavflarni nazorat qilish, ko‘mir qazib olish va uni iste’molchilarga yetkazib berish jarayonlari haqida ma’lumotlar keltirilgan.
Maqolada bugungi kunda korxonada amalga oshirilayotgan muhim loyihalar ham keng yoritilgan. Jumladan, yangi ko‘mir omborini qurish, muhandislik kommunikatsiyalarini takomillashtirish, kon hududidagi transport va infratuzilma ob’ektlarini modernizatsiya qilish, shuningdek, zamonaviy raqamli texnologiyalarni ishlab chiqarish jarayonlariga joriy etish ishlariga to‘xtalib o‘tilgan.
Shu bilan birga, materialda Angren ko‘mir havzidagi “Nishbosh” konini o‘zlashtirish loyihasiga ham alohida o‘rin berilgan. Mazkur loyihaning istiqbollari, kelgusida ko‘mir qazib olish hajmlarini oshirish va sifatli mahsulot bilan iste’molchilarni ta’minlash imkoniyatlari haqida so‘z yuritilgan.
Nashrda sohada mehnat qilayotgan geologlar, gidrogeologlar, marksheyderlar, kon ustalari, ekskavator mashinistlari, haydovchilar va boshqa mutaxassislarning kundalik mehnati ham alohida e’tirof etilgan. Xususan, Angren konchilari faoliyati, ularning tajribasi, mas’uliyati va ishlab chiqarish jarayonlarida zamonaviy texnikadan samarali foydalanayotgani haqida fikrlar berilgan.
Nashrda korxonaga so‘nggi yillarda zamonaviy import texnika vositalari, jumladan, karer samosvallari, buldozerlar, avtogreyderlar, gidravlik ekskavatorlar va boshqa maxsus texnikalar keltirilgani ham qayd etilgan. Bu esa ishlab chiqarish samaradorligini oshirish va konchilik jarayonlarini zamonaviy talablar asosida tashkil etishga xizmat qilmoqda.
“Globus: geologiya i biznes” jurnalida mazkur materialning e’lon qilinishi O‘zbekistonning ko‘mir sanoati, Angren konchilik hududi va “O‘zbekko‘mir” AJ faoliyati haqida xalqaro sohaviy auditoriyani xabardor qilishda muhim ahamiyat kasb etadi.
Ta’kidlash joizki, “Globus: geologiya i biznes” jurnali bilan hamkorlik izchil davom etmoqda. Jurnal sahifalarida O‘zbekistonning geologiya va konchilik sohalari, yirik korxonalar faoliyati, mutaxassislar mehnati va amalga oshirilayotgan istiqbolli loyihalar haqida materiallar muntazam ravishda e’lon qilib kelinmoqda.
Navbatdagi maqolaning jurnalning bosma sonida ham, elektron versiyasida ham chop etilgani ushbu hamkorlikning samarali va barqaror tus olganini ko‘rsatadi.
“O‘zbeko‘mir” AJ Axborot xizmati
Jurnalning elektron versiyasi bilan quyidagi havola orqali tanishish mumkin:
https://www.vnedra.ru/wp-content/uploads/2026/10/globus93-globus93.pdf
Maqolaning elektron versiyasi jurnal saytiga ham joylashtirilgan:
https://www.vnedra.ru/2026/10/01/nazvalsya-gornyakom-lyubi-zemlyu/

Oxirgi yangiliklar:
“Mening kelajakdagi kasbim”: bitiruvçi yoşlar bilan uçraşuv ötkazildi
Davlatimiz rahbarining joriy yil 24-fevral kuni yoşlar bilan ötkazgan oçiq muloqotida belgilangan vazifalar va ilgari surilgan taşabbuslar ijrosini taʼminlaş maqsadida da...
O'qish
Barqaror rivojlaniş sari muhim qadam: “O‘zbekko‘mir” AJ ilk ESG hisobotini taqdim etdi
Bugun korxona faoliyatiga baho berişda faqat qança mahsulot işlab çiqarilgani yoki qança daromad olingani bilan çeklanilmaydi. Işlab çiqariş jarayonining atrof-muhitga ta...
O'qish
Oçiqlik − hisobdorlik va jamoat işonçi asosi
9 dekabr − Xalqaro korrupsiyaga qarşi kuraşiş kuni. Uşbu sana korrupsiyaning oldini olişda oçiqlik, şaffoflik va jamoatçilik nazoratining ahamiyatini yana bir bor eslatad...
O'qish
"O‘zbekko‘mir" AJning faol yoshlari Oliy Majlis faoliyati bilan tanishdilar
"O‘zbekko‘mir" AJning faol yoshlari Oliy Majlis faoliyati bilan tanishdilar "O‘zbekko‘mir" AJning bir guruh faol yoshlari O‘zbekiston Respublikasi Oliy Majlisiga...
O'qish