Joriy  yilning 17-sentyabr kuni Toshkent shahridagi Singapur Menejmentni rivojlantirish instituti (MDIS)ning Biznes va turizmni rivojlantirish bo‘limi jamoasi hamda institut talabalari “O‘zbekko‘mir” AJ tarkibidagi Angren ko‘mir koni faoliyati bilan yaqindan tanishish maqsadida tashrif buyurdi.

Tashrif davomida mehmonlarga Tashqi iqtisodiy aloqalar bo‘limi boshlig‘i Qutlug‘ Teshaboev rahbarligida korxona faoliyati, ishlab chiqarish jarayonlari hamda konning strategik ahamiyati haqida batafsil ma’lumot berildi.

“O‘zbekko‘mir” AJ mamlakatimizning yonilg‘i-energetika salohiyatini ta’minlashda muhim o‘rin tutadi, va biz uchun kelajakda sohani rivojlantirishda yosh kadrlarni jalb etish ustuvor vazifalardan hisoblanadi.

“Angren” ko‘mir qonida qattiq yoqilg‘i ochiq usulda (karer usulida) qazib olinadi;

Yiliga 6 million tonnadan ortiq ko‘mir ishlab chiqariladi;

2000 dan ortiq mutaxassis va ishchi doimiy mehnat faoliyatini olib bormoqda;

Asosiy iste’molchi – respublikadagi issiqlik elektr stansiyalari;

Shuningdek aholi va ijtimoiy sohaob’ektlari ham iste’molchilar hisoblanadi;

Konda yondosh foydali qazilmalar ham qazi chiqariladi va ulardan qurilish sohalarida foydalaniladi.

Konchilik – bu oddiy kasb emas, balki faxr va mas’uliyat talab qiluvchi ishdir.

Sanoatimizda zamonaviy menejment, kadrlar boshqaruvi, investitsiyalar va ekologik xavfsiz texnologiyalar bo‘yicha intellektual salohiyatga ega bo‘lgan yosh kadrlarga ehtiyoj ortib bormoqda.

Shu munosabat bilan, "O‘zbekko‘mir" AJ tomonidan MDIS instituti bilan hamkorlik memorandumini imzolash rejalashtirilmoqda. Bu tashabbus:

Yosh mutaxassislarni amaliyotga jalb qilish,

Ishlab chiqarish jarayonlarida ishtirok etish imkoniyatini yaratish,

Kelajakda korxona ehtiyojlari uchun yuqori malakali kadrlar zaxirasini tayyorlashga xizmat qiladi.