Joriy yilda koʻmir korxonalarini toʻliq taʼminlash uchun yetarli miqdorda ehtiyot qismlar ishlab chiqarildimi?
Nashr qilingan sana: 02.12.2022 08:53:17Bugungi kunda "Oʻzbekkoʻmir" aksiyadorlik jamiyatida 11 ta tarkibiy boʻlinma faoliyat koʻrsatadi. "Togʻ-kon uskunalarini taʼmirlash zavodi" filiali ulardan biridir.
Ushbu zavodining tarmoqdagi boshqa korxonalar uchun ahamiyati nimada? 2022 yilda koʻmir korxonalarini toʻliq taʼminlash uchun yetarli miqdorda ehtiyot qismlar ishlab chiqarildimi?
Mazkur savollar bilan "Oʻzbekkoʻmir" AJ "Togʻ-kon uskunalarini taʼmirlash zavodi" filiali direktori Marajab Tursunovga yuzlandik.
– Zavod uzoq oʻzining tarixiy davrini bosib oʻtgan, – dedi M. Tursunov. – Hozirgi zavod 1985 yilda ishga tushirilgan. 1994 yilda Togʻ-kon va transport uskunalarini taʼmirlash zavodiga aylantirildi.
Korxona kapital qurilish buyurtmalariga muvofiq ekskavator parkini oʻrnatish, eskirgan uskunalarni yangilash hamda ehtiyot qismlarini ishlab chiqarish va togʻ-kon uskunalarini kapital taʼmirlash bilan shugʻullanadi.
Shuningdek, elektr mashinalari va generatorlar, dizel va elektrovozlar, oʻzi tushiruvchi samosval kuzovlari, konveyer qurilmalarida joriy taʼmirlash ishlari amalga oshirilib, nostandart uskunalar tayyorlanmoqda.
Joriy yilning 9 oyi natijalariga koʻra, ishlab chiqarish, sanoat xarakteridagi ish va xizmatlar hajmi 120,6 foizga bajarildi. Jumladan, asosiy faoliyat 107,6 foiz, kapital qurilish 334 foiz, uchinchi tomon tashkilotlari 38,9 foizni tashkil etdi.
Asosiy faoliyat nomenklaturasi koʻrsatkichiga asosan ehtiyot qismlar, nostandart uskunalar ishlab chiqarish 82,20 foiz, togʻ-kon uskunalari, shaxta uskunalari, elektr jihozlarini taʼmirlash 110,40 foiz, kislorod ishlab chiqarish 36,50 foizdir.
Kapital qurilish hajmi haqida toʻxtaladigan boʻlsak, asosiy kon uskunalarini oʻrnatish, taʼmirlash, ishlab chiqarish va sozlash 300 foizdan ortiq, mahsulot ishlab chiqarish va sotish rejasi 101 foizga uddalandi.
Albatta, bizning asosiy maqsadimiz isteʼmolchilarga koʻmir qazib chiqarish va uni yetkazib berishda togʻ-kon va transport uskunalari bilan "Oʻzbekkoʻmir" aksiyadorlik jamiyati tizim korxonalarini oʻz vaqtida taʼminlashdir.
Nasiba ZIYODULLAYEVA yozib oldi, OʻzA
Izohlar
Oxirgi yangiliklar:
Yot g‘oyalarga qarshi mafkuraviy immunitet ‒ asosiy vazifamiz!
“O‘zbekko‘mir” aksiyadorlik jamiyatida diniy ekstremizm, radikalizm va aqidaparastlik kabi yot g‘oyalarga qarshi ma’naviy-ma’rifiy kurashish, sog‘lom fikrli avlodni t...
O'qish
Manfaatlar to‘qnashuvi bilan bog‘liq holatlarni tartibga solish bo‘yicha yangi huquqiy asos yaratildi
2025-yil 30-iyun kuni Vazirlar Mahkamasining VMQ-400-son qarori qabul qilinib, Kon-geologiya vazirligi tizimiga kiruvchi ishlab chiqarish, konchilik va sanoat korxona...
O'qish
Milliy libos – millatning yuragidagi ehtirom
Har juma – o‘zligimizni tan olish kuni. Har juma – milliy iftixorni e’tirof etish kuni. Har juma – yurakdagi o‘zbeklik libosga aylanadigan kun. “O‘zbekk...
O'qish
Axborot xizmati maydonida ‒ ochiqlik va tajriba almashinuvi
Joriy yilning 30-iyun ‒ 2 iyul kunlari “Axborot xizmatlari faoliyati: ochiqlik, tezkorlik va xolislik bosh mezon” mavzusida V milliy konferensiya bo‘lib o‘tdi. Axb...
O'qish