Angren konchilari mehnati jahon media maydonida
Nashr qilingan sana: 07.07.2026 09:55:34
Har qanday korxona va tashkilotning jahon media maydoniga chiqishi uning nufuzi, ochiqligi va xalqaro imijini mustahkamlashga xizmat qiladi. “O‘zbekko‘mir” aksiyadorlik jamiyati faoliyati nafaqat respublika ommaviy axborot vositalarida, balki xorijiy nashrlarda ham muntazam yoritib kelinmoqda.
Jumladan, Rossiya Federatsiyasida nashr etiladigan «Globus: geologiya i biznes» xalqaro ixtisoslashgan jurnali bilan yo‘lga qo‘yilgan samarali ijodiy hamkorlik o‘zbek konchilari mehnati, sohada amalga oshirilayotgan islohotlar va “O‘zbekko‘mir” AJning ishlab chiqarish salohiyatini xalqaro jamoatchilikka yetkazishda muhim ahamiyat kasb etmoqda.
Jurnalning rasmiy saytida navbatdagi «Твои дороги, разрез…» («Sening yo‘llaring, razrez…») nomli maqola e’lon qilindi. Unda Angren razrezidagi yo‘l-ta’mirlash xizmati faoliyati, ochiq konda texnologik avtomobil yo‘llarini qurish va ularni yilning barcha fasllarida soz holatda saqlash uchun amalga oshirilayotgan mas’uliyatli ishlar haqida hikoya qilinadi.
Maqolada razrezdagi qariyb 35 kilometr texnologik yo‘llarning ko‘mir qazib olish jarayonidagi o‘rni, og‘ir yuk tashuvchi texnika harakati xavfsizligini ta’minlash, yo‘llarni qurish, ta’mirlash va tiklash ishlarining o‘ziga xos jihatlari keng yoritilgan. Shuningdek, ballast tayyorlash, drenaj tizimlarini barpo etish, yo‘llarni tekislash, qish va bahor mavsumida yuzaga keladigan murakkab sharoitlarda yo‘llarni ishchi holatda ushlab turish bo‘yicha amalga oshirilayotgan ishlar haqida ham batafsil ma’lumot berilgan.
Nashr qahramoni – Angren razrezining 18-sonli yo‘l-ta’mirlash uchastkasi boshlig‘i Anvar Dushayev. Uning mehnat faoliyati, ko‘p yillik ishlab chiqarish tajribasi, rahbarligidagi jamoaning fidokorona mehnati va razrezda uzluksiz ish jarayonini ta’minlashdagi hissasi ta’sirchan misollar orqali ochib berilgan. Shuningdek, kon yo‘llarida mehnat qilayotgan haydovchilar, yo‘l ustalari va boshqa ishchilarning kundalik mashaqqatli mehnati haqida ham qiziqarli lavhalar keltirilgan.
Maqola muallifi – tajribali jurnalist Diana Andreyeva. U Angren shahri va uning konchilik hayotini yaxshi biladigan, ko‘p yillardan buyon “O‘zbekko‘mir” aksiyadorlik jamiyati, uning tarkibiy korxonalari hamda mehnat jamoalari faoliyatini muntazam yoritib kelayotgan ijodkorlardan biri hisoblanadi. Diana Andreyeva konchilar bilan bevosita muloqot qiladi, ochiq konlarga tushib, ishlab chiqarish jarayonlarini joyida kuzatadi va mehnat insonlari haqida hayotiy, samimiy hamda ta’sirchan materiallar tayyorlaydi.
Uning navbatdagi maqolasi ham aynan ana shu fidokor insonlar – Angren konchilari va ularning og‘ir, ammo sharafli mehnatiga bag‘ishlangan bo‘lib, “O‘zbekko‘mir” aksiyadorlik jamiyati faoliyatining xalqaro axborot makonida keng targ‘ib etilishiga yana bir munosib hissa bo‘ldi.
Maqola bilan batafsil tanishish uchun quydagi havolaga kiring:
https://www.vnedra.ru/glavnaya-tema/tvoi-dorogi-razrez-31728/
Oxirgi yangiliklar:
“Mening kelajakdagi kasbim”: bitiruvçi yoşlar bilan uçraşuv ötkazildi
Davlatimiz rahbarining joriy yil 24-fevral kuni yoşlar bilan ötkazgan oçiq muloqotida belgilangan vazifalar va ilgari surilgan taşabbuslar ijrosini taʼminlaş maqsadida da...
O'qish
Barqaror rivojlaniş sari muhim qadam: “O‘zbekko‘mir” AJ ilk ESG hisobotini taqdim etdi
Bugun korxona faoliyatiga baho berişda faqat qança mahsulot işlab çiqarilgani yoki qança daromad olingani bilan çeklanilmaydi. Işlab çiqariş jarayonining atrof-muhitga ta...
O'qish
Oçiqlik − hisobdorlik va jamoat işonçi asosi
9 dekabr − Xalqaro korrupsiyaga qarşi kuraşiş kuni. Uşbu sana korrupsiyaning oldini olişda oçiqlik, şaffoflik va jamoatçilik nazoratining ahamiyatini yana bir bor eslatad...
O'qish
"O‘zbekko‘mir" AJning faol yoshlari Oliy Majlis faoliyati bilan tanishdilar
"O‘zbekko‘mir" AJning faol yoshlari Oliy Majlis faoliyati bilan tanishdilar "O‘zbekko‘mir" AJning bir guruh faol yoshlari O‘zbekiston Respublikasi Oliy Majlisiga...
O'qish