“O‘zbekko‘mir” aksiyadorlik jamiyatida har juma kuni “Milliy liboslar kuni” sifatida nishonlanmoqda.

Ushbu an’ana ijro apparatidanoq tortib filiallargacha izchil davom etmoqda. Xodimlar ish joyiga o‘zbek milliy liboslarida kelib, qadimiy an’analarimizni hayot tarziga aylantirishmoqda.

Milliy libos – nafaqat kiyim, balki tarix, madaniyat, falsafa va xalq ruhiyatining timsolidir. U o‘zbek xalqining turmush tarzi, urf-odatlari, tabiatga munosabati va o‘ziga xos didini o‘zida mujassam etadi.

Ayniqsa, o‘zbek do‘ppisi – milliy shijoat, ma’naviyat va badiiy did ramzi sifatida yuksak qadrlanadi.

▪️ Toshkent do‘ppisining soddaligi, oq-qora kontrasti va “qalqon” naqshlari xalqning poklik va hayotga jiddiy munosabatini bildiradi.

▪️ Andijon do‘ppisining murakkab “chakich” uslubidagi mayda gullari nafislik, pazandalik va didlilik timsolidir.
▪️ Marg‘ilon do‘ppisidagi an’anaviy “chakan” naqshlar ipak yo‘li madaniyatining jilosi ва hunarmandchilik an’anasining davomidir.

▪️ Shahrisabz do‘ppisining to‘rtburchak shakli va geometrik soddaligi qadimgi voha xalqlarining sodda va bardavom turmush tarzini aks ettiradi.
▪️ Buxoro do‘ppisidagi “islomi” uslubi esa diniy-falsafiy g‘oyalar, ilm-ma’rifatga intilish va madaniy boyliklarni eslatadi.

 “Milliy liboslar kuni” – bu nafaqat milliylikni asrash, balki jamoada birlik, ijobiy ruh va ko‘ngil ko‘tarinkiligi yaratish demakdir.

Fotosuratda: Jamiyat Tashqi va ichki xaridlar boshqarmasi boshlig‘i Abror Egamberdiyev hamda boshqarma yetakchi mutaxassisi Inomjon G‘aziev ish jarayonida.