Kuzatuv kengashining yig‘ilishi o‘tkazildi
Nashr qilingan sana: 04.10.2024 04:19:563-oktabr kuni “O‘zbekko‘mir” aksiyadorlik jamiyati Kuzatuv kengashining navbatdagi yig‘ilishi o‘tkazildi.
Konferensiya O‘zbekiston Respublikasining “Aksiyadorlik jamiyatlari va aksiyadorlar huquqlarini himoya qilish to‘g‘risida”gi Qonunining 78-moddasiga muvofiq jamiyat kuzatuv kengashi a’zolari tashabbusi bilan chaqirildi.
Video-konferens-aloqa tarzida tashkil etilgan tadbirda “O‘zbekko‘mir” AJ Kuzatuv kengashi raisini saylash, Kuzatuv kengashining yillik ish rejasini tasdiqlash, jamiyat bosh direktorining 2024-yil 1-yarim yillik hisobotini ko‘rib chiqish va boshqa masalalar muhokama qilindi.
O‘zbekiston Respublikasi “Aksiyadorlik jamiyatlari va aksiyadorlarning huquqlarini himoya qilish to‘g‘risi”dagi Qonunining 77-moddasi hamda Jamiyat Ustavining 8.9-bandiga asosan Jamiyat kuzatuv kengashining raisi kuzatuv kengashi a’zolarining umumiy soniga nisbatan ko‘pchilik ovoz bilan, ushbu kengash tarkibidan kuzatuv kengashi a’zolari tomonidan saylanishi belgilab qo‘yilgan.
Yuqoridagilarga asoslangan holda kengash a’zolari tomonidan Jamiyat Kuzatuv kengashi raisi etib O‘zbekiston Respublikasi tog‘-kon sanoati va geologiya vaziri Islamov Bobur Farxodovich saylandi.
“O‘zbekko‘mir” AJ faoliyati bo‘yicha jamiyat kuzatuv kengashida ko‘rib chiqilishi lozim bo‘lgan masalalarni o‘z vaqtida sifatli tashkil etish maqsadida jamiyat Kuzatuv kengashining yillik ish rejasi tasdiqlandi.
Shundan so‘ng “O‘zbekko‘mir” AJ faoliyatining 2024-yil 1-yarim yillik yakunlari bo‘yicha bosh direktor V.V.Kuznesovning hisoboti ko‘rib chiqildi.
Hisobotda qayd etilganidek, 1-yarim yillikda kon ustini ochish ishlari 15 668,5 ming m3 rejalashtirilgan bo‘lib, amalda 11 498,6 ming m3 tashkil etdi va reja nisbatan 73,4 foizga, ko‘mir qazib chiqarish ishlari rejadagi 2 366,6 ming tonna o‘rniga amalda 2 374,4 ming tonna (100,3 %)ga, kaolin qazib olish 178,4 ming tonna (46,0 %)ga bajarilgan.
Muzokaralardan so‘ng, jamiyat bosh direktorining 2024-yil 1-yarim yil yakunlari bo‘yicha hisoboti ma’lumot uchun qabul qilindi.
Yig‘ilishda kun tartibidagi boshqa masalalar ham ko‘rib chiqildi va tegishli qarorlar qabul qilindi.
Yig‘ilishda jamiyat Kuzatuv kengashining mustaqil a’zosi, AQShlik mutaxassis Bart Lukarelli ishtirok etdi.
“O‘zbekko‘mir” AJ Axborot xizmati
Oxirgi yangiliklar:
“O‘zbekko‘‘mir” 2025-yil natijalari: Innovatsiya, shaffoflik va samaradorlik
2025-yil “O‘zbekko‘mir” aksionerlik jamiyati uchun o‘ta samarali va innovatsiyalarga boy yil bo‘ldi. Jamiyatda konchilik sohasidagi ishlab chiqarish, ko‘mir yetkazib...
O'qish
Hamkorlik – ilmiy yechimlar sari muhim qadam
2026-yil 26-fevral kuni “O‘zbekko‘mir” AJ katta faollar zalida jamiyat mutaxassislari hamda NITU MISiS professor-o‘qituvchilari o‘rtasida uchrashuv bo‘lib o‘tdi. Mazkur t...
O'qish
Stol tennisi va badminton bo‘yicha sport musobaqalari yakunlandi
Jamiyatimiz filiallari o‘rtasida o‘tkazilgan stol tennisi hamda badminton musobaqalari qizg‘in va murosasiz bahslarga boy tarzda o‘tdi. Musobaqa yakunlariga ko‘ra g‘olib...
O'qish
Yangi farmon doirasidagi metrologiya islohotlari
O‘zbekistonda texnik tartib-qoidalar sohasida tizimli islohotlarning yangi bosqichi boshlandi. O‘zbekiston Respublikasi Prezidentiningg “Texnik jihatdan tartibga solish s...
O'qish