Kuzatuv kengashining yig‘ilishi o‘tkazildi
Nashr qilingan sana: 04.10.2024 04:19:563-oktabr kuni “O‘zbekko‘mir” aksiyadorlik jamiyati Kuzatuv kengashining navbatdagi yig‘ilishi o‘tkazildi.
Konferensiya O‘zbekiston Respublikasining “Aksiyadorlik jamiyatlari va aksiyadorlar huquqlarini himoya qilish to‘g‘risida”gi Qonunining 78-moddasiga muvofiq jamiyat kuzatuv kengashi a’zolari tashabbusi bilan chaqirildi.
Video-konferens-aloqa tarzida tashkil etilgan tadbirda “O‘zbekko‘mir” AJ Kuzatuv kengashi raisini saylash, Kuzatuv kengashining yillik ish rejasini tasdiqlash, jamiyat bosh direktorining 2024-yil 1-yarim yillik hisobotini ko‘rib chiqish va boshqa masalalar muhokama qilindi.
O‘zbekiston Respublikasi “Aksiyadorlik jamiyatlari va aksiyadorlarning huquqlarini himoya qilish to‘g‘risi”dagi Qonunining 77-moddasi hamda Jamiyat Ustavining 8.9-bandiga asosan Jamiyat kuzatuv kengashining raisi kuzatuv kengashi a’zolarining umumiy soniga nisbatan ko‘pchilik ovoz bilan, ushbu kengash tarkibidan kuzatuv kengashi a’zolari tomonidan saylanishi belgilab qo‘yilgan.
Yuqoridagilarga asoslangan holda kengash a’zolari tomonidan Jamiyat Kuzatuv kengashi raisi etib O‘zbekiston Respublikasi tog‘-kon sanoati va geologiya vaziri Islamov Bobur Farxodovich saylandi.
“O‘zbekko‘mir” AJ faoliyati bo‘yicha jamiyat kuzatuv kengashida ko‘rib chiqilishi lozim bo‘lgan masalalarni o‘z vaqtida sifatli tashkil etish maqsadida jamiyat Kuzatuv kengashining yillik ish rejasi tasdiqlandi.
Shundan so‘ng “O‘zbekko‘mir” AJ faoliyatining 2024-yil 1-yarim yillik yakunlari bo‘yicha bosh direktor V.V.Kuznesovning hisoboti ko‘rib chiqildi.
Hisobotda qayd etilganidek, 1-yarim yillikda kon ustini ochish ishlari 15 668,5 ming m3 rejalashtirilgan bo‘lib, amalda 11 498,6 ming m3 tashkil etdi va reja nisbatan 73,4 foizga, ko‘mir qazib chiqarish ishlari rejadagi 2 366,6 ming tonna o‘rniga amalda 2 374,4 ming tonna (100,3 %)ga, kaolin qazib olish 178,4 ming tonna (46,0 %)ga bajarilgan.
Muzokaralardan so‘ng, jamiyat bosh direktorining 2024-yil 1-yarim yil yakunlari bo‘yicha hisoboti ma’lumot uchun qabul qilindi.
Yig‘ilishda kun tartibidagi boshqa masalalar ham ko‘rib chiqildi va tegishli qarorlar qabul qilindi.
Yig‘ilishda jamiyat Kuzatuv kengashining mustaqil a’zosi, AQShlik mutaxassis Bart Lukarelli ishtirok etdi.
“O‘zbekko‘mir” AJ Axborot xizmati
Izohlar
Oxirgi yangiliklar:
Ijtimoiy masalalar muhokama etildi
14-may kuni “O‘zbekko‘mir” aksiyadorlik jamiyatida Ijtimoiy komissiyaning navbatdagi yig‘ilishi bo‘lib o‘tdi. Jamiyat bosh direktori o‘rinbosari, Ij...
O'qish
Yurtimiz hamisha tinch, xalqimiz yanada farovon bo‘lsin!
Ikkinchi jahon urushi qatnashchilari hamda ko‘mir sanoati mehnat faxriylariga “O‘zbekko‘mir” AJ Bosh direktori Dusmatov Nodirbek Uktamjanovichning bayram tabrigi Hurma...
O'qish
“Motamsaro ona” yodgorligi poyiga gulchambar qo‘yildi
9 may – Xotira va qadrlash kuni munosabati bilan Angren shahridagi Istiqlol maydonidagi “Motamsaro ona” yodgorligi poyiga gulchambar qo‘yish marosimi bo‘lib o‘tdi. Maz...
O'qish
Xotira va qadr kechasi o‘tkazildi
Joriy yilning 7-may kuni "O‘zbekko‘mir" AJda 9-may – Xotira va qadrlash kuni munosabati bilan ma’naviyat soati o‘tkazildi Angren shahridagi “Zamin-2”...
O'qish