14-yanvar — Vatan himoyachilari kuni munosabati bilan “O‘zbekko‘mir” AJ “Qurilish-montaj ishlari” filiali faollar zalida tantanali bayram tadbiri bo‘lib o‘tdi.
 





Tadbirni Birlashgan kasaba uyushmasi raisi A. Qayumov ochib berib, jamiyat ishchi-xodimlarini ushbu qutlug‘ sana bilan samimiy muborakbod etdi. O‘z nutqida u Vatan himoyachilarining yurt tinchligi va osoyishtaligini ta’minlashdagi beqiyos xizmatlari, shuningdek, mehnatkashlarning ishlab chiqarish jarayonidagi mas’uliyatli va fidokorona faoliyatini alohida e’tirof etdi



Tadbir davomida siyosiy sharhlovchi Qobilbek Karimbekov ma’ruza bilan ishtirok etib, mamlakatimizda olib borilayotgan islohotlar, tinchlik va barqarorlikni mustahkamlashda Vatan himoyachilarining tutgan o‘rni haqida atroflicha to‘xtalib o‘tdi





Shuningdek, bayram dasturi doirasida “O‘zbeknavo” davlat muassasasi xonandasi Asliddin Do‘stov ijrosidagi dilbar va jarangdor qo‘shiqlar tadbir ishtirokchilariga bayramona ko‘tarinki kayfiyat bag‘ishladi



Tadbir yakunida jamiyatning bir guruh ishchi-xodimlariga bayram munosabati bilan esdalik sovg‘alari topshirildi.