Xalqaro korrupsiyaga qarshi kurash kuni oldidan 16-noyabr kuni, "Ko'mirtaminot" MChJning Fargʻona viloyati filialida "O'zbekko'mir" AJ korrupsiyaga qarshi kurash komplayens nazorat tuzilmasi, viloyat hokimligi masullari, mahalla raislari va hududlardagi ko'mir ombori mudirlari ishtirokida ta'magirlik, pora berish kabi korrupsion harakatlarni oldini olish mavzusida davra suhbati bo'lib o'tdi.

Jamiyat komplayens nazorat xizmati tashkil etgan davra suhbatida korrupsiya holatlari davlat organlari faoliyatiga salbiy taʼsir koʻrsatishi alohida taʼkidlandi. Xususan, “Koʻmir taʼminot” MCHJning Fargʻona viloyat filiali tasarrufidagi Buvayda tuman koʻmir ombor mudiri A.I. kuz-qish mavsumida aholiga imtiyozli narxda tarqatishga moʻljallangan 413,8 mln. soʻmlik 1.364,3 tonna koʻmirlarni goʻyoki fuqarolar olganligi toʻgʻrisida soxta maʼlumotlar tayyorlab, koʻmirni naqd pulga sotib, shaxsiy manfaatlari yoʻlida talon-toroj qilgan. Sohada kuzatilayotgan ayrim ta'magirlik xolatlari tanqidiy tahlil qilindi. Qonunchilikda korrupsiyaga belgilangan jazo choralari yana bir bor eslatib o'tildi.

Ishchi guruhi viloyat rahbariyati va hududiy ko'mir omborlar mudirlariga ular bilan tuzilgan mehnat shartnomasiga korrupsiyaga qarshi kurashga oid bandlar kiritish toʻgʻrisida "Qoʻshimcha kelishuv" ning mazmun mohiyatini atroflicha tushuntirib o'tildi.

Tadbirda ishtirokchilari mavzu yuzasidan oʻzlarini qiziqtirgan savollarga atroflicha javoblar oldilar.

https://t.me/uzbekcoaluz