MEHNATKAShLAR MANFAATI QANDAY HIMOYa QILINMOQDA?
Nashr qilingan sana: 28.07.2021 03:11:27"O‘zbekko‘mir" AJ Birlashgan kasaba uyushmasi qo‘mitasi hamda filiallar kasaba qo‘mitalari Jamoa shartnomasi talablari asosida tizimdagi ishchi-xodimlarni ijtimoiy va huquqiy himoyalash, xavfsiz mehnat sharoitlarini yaratish, ishchi-xodimlar va oila a’zolarining dam olishlarini tashkillashtirish, sog‘liklarini tiklash va turli moddiy yordamlar ko‘rsatish vazfalarini izchil amalga oshirib kelmoqda.
Xususan, 2021 yilning 1-yarim yilligi mobaynida 61 nafar ishchi-xodim turli sanatoriyalarda salomatligini tiklab qaytdi, buning uchun 141 721 000 so‘m sarflandi. Kasb kasalligini orttirgan 2 nafar kishiga yo‘llanmalar imtiyozli (bepul) berildi. Moddiy va ma’naviy tomondan qo‘llab-quvvatlash maqsadida 108 nafar ishchi-xodimga 174 928 000 so‘mlik turli xildagi moddiy yordamlar ko‘rsatildi va bu ishlar bugungi kunda davom ettirilmoqda.
“Koinot” bolalarni sog‘lomlashtirish oromgohida joriy yil yozgi mavsum davrida 750 nafar o‘g‘il-qiz sog‘lomlashtirildi.
Jamiyatda ayollar mehnatiga alohida e’tibor qaratilgan. Hech bir ayol og‘ir qo‘l mehnati bilan bajariladigan ishga jalb qilinmagan. Ayollar uchun filiallarda shaxsiy gigiyena xonalari tashkil qilingan, 2 va undan ortiq voyaga yetmagan farzandi bor ayollarning mehnat ta’tiliga qo‘shimcha 3 kundan ta’til berish ham jamoa shartnomasida ko‘zda tutilgan va amalga oshirilmoqda, 2 yoshga to‘lmagan bolalari bor ayollarga 1 soat kam ish kuni belgilangan. 3 nafar va undan ko‘p bolalari bo‘lgan ayollarga belgilangan tartibda moddiy yordamlar ko‘rsatib borildi.
27 iyul kuni “O‘zbekko‘mir” AJ Bilashgan kasaba uyushma qo‘mitasining qo‘mita raisi Abdunosir Qayumov raisligida “Jamoa shartnomasi” bajarilishining 2021 yil 1-yarim yillikdagi ijrosi masalasiga bag‘ishlab o‘tkazilgan yig‘ilishida ana shu yutuqlar e’tirof etildi. Ayni paytda yo‘l qo‘yilgan kamchilik va muammolar atroflicha muhokama etilib, kelgusi vazifalar belgilab olindi.
Yig‘ilishda “O‘zbekko‘mir” AJ Bosh direktorining birinchi o‘rinbosari Alijon Mirahmedov ishtirok etdi va so‘zga chiqdi.

Izohlar
Oxirgi yangiliklar:
Beshariqda ro‘yxatga olish bo‘yicha navbatdagi seminar tashkil etildi
Ma’lumki, jori yilning 15-yanvar-28-fevral kunlari mamlakatimizda aholi va qishloq xo‘jaligini ro‘yxatdan o‘tkazish tadbiri o‘tkaziladi. Bu tadbir aholi va qishloq...
O'qish
Birlashgan kasaba uyushmasi qo‘mitasi raisi A.M. Qayumovning bayram tabrigi
Sizlarni kirib kelayotgan 2026-yil — “Mahallani rivojlantirish va jamiyatni yuksaltirish yili” munosabati bilan chin qalbimdan tabriklayman. Jamiyatimizda yakunlanayot...
O'qish
“O‘zbekko‘mir” AJ bosh direktori N.U. Dusmatovning bayram tabrigi
Hurmatli ko‘mir sanoati xodimlari va faxriylari, aziz hamkasblar! Yakunlanayotgan yil mamlakatimiz ko‘mir sanoati uchun barqaror o‘sish va muhim natijalar bilan y...
O'qish
“O‘zbekko‘mir” AJ: korrupsiyaga qarshi islohotlar yangi bosqichda
Korrupsiya jamiyat va iqtisodiyot rivojiga jiddiy to‘siq bo‘luvchi, davlat boshqaruvi samaradorligiga putur yetkazuvchi xavfli illat sifatida mamlakatimizda davlat si...
O'qish