O‘zbekiston Respublikasi davlat mustaqilligining 34 yilligi bayrami munosabati bilan mamlakatimizdagi barcha korxona, tashkilot va muassasalarda turli ma’naviy-ma’rifiy tadbirlar o‘tkazilmoqda.

Jumladan, 2025 yil 6 avgust kuni “O‘zbekko‘mir” aksiyadorlik jamiyatida ham ushbu muhim sana munosabati bilan “Temir yo‘l transporti” filiali hududida ma’naviyat soati tashkil etildi.

Tadbirda filologiya fanlari nomzodi, professor, “Antik dunyo” va “Turon” xalqaro fanlar akademiyalarining akademigi, O‘zbekiston Yozuvchilar va Jurnalistlar ijodiy uyushmalari a’zosi, “Ma’rifat” targ‘ibotchilar jamiyati a’zosi Rahimboy Jumanizov mehmon sifatida ishtirok etdi. Uning “Vatan uchun, millat uchun, xalq uchun” mavzusidagi ma’naviy-ma’rifiy suhbati ishtirokchilarda katta taassurot qoldirdi.

“O‘zbekkonsert” davlat muassasasi huzuridagi iste’dodli xonandasi, “O‘zbekiston – Vatanim manim!” ko‘rik-tanlovi g‘olibasi O‘lmasoy Turg‘unboeva ham ishtirok etib, o‘z qo‘iqlari bilan tadbirga yuksak ruh va ko‘tarinki kayfiyat ulashdi.

Tadbirda “O‘zbekko‘mir” AJ tasarrufidagi filiallar rahbarlari-mutaxassislari, bo‘lim boshliqlari, faol xodimlar, yoshlar va xotin-qizlar kengashlari vakillari faol ishtirok etdi.

Ilhom Bazarbaev,
“O‘zbekko‘mir” AJ Axborot xizmati mutaxassisi