2025-yil 21-oktyabr kuni “TTUS zavodi”, “MTT va IS” hamda “Apartak ko‘mir koni” filiallarida faoliyat yuritayotgan ishchi-xodimlar ishtirokida zilzila bilan bog‘liq favqulodda vaziyatlarda to‘g‘ri harakat qilish bo‘yicha amaliy mashg‘ulotlar tashkil etildi.

Tadbirlar aholi va xodimlarning seysmik xavfsizlik borasidagi bilim va ko‘nikmalarini oshirishga qaratilgan.

Bu ishlar O‘zbekiston Respublikasi Prezidentining 2023-yil 16-maydagi PQ-158-son qarori va Bosh vazirning 2024-yil 1-noyabrdagi 182-son bayoni ijrosini ta’minlash maqsadida amalga oshirilmoqda.

“O‘zbekko‘mir” AJning barcha filiallarida 20–27 oktyabr kunlari “Aholini zilzilaga tayyorlash haftaligi” yuqori saviyada o‘tkazilishi rejalashtirilgan.